Əmirəbdullahiyan de Ommani kral vindımonış karde

İroni xarıci vəzir de Ommani kral vindımon iyən votımonış karde.

Bə İrna raporti əsos, İroni xarıci vəzir Huseyn Əmirəbdullahiyan de Ommani kral Heysəm Bin Sariğ Ali Səid vindemoni cərəyonədə çı İroni prezidenti məxsusə mesaji bəy təğdimış karde.

İroni xarıci vəzir ki zinə şəv bə Omman səfərış karde bə Məsğət varid bey zəmonədə iyən jurnaliston cəmədə votəş be ki çı İroni prezident Sey İbrohim Rəisi məxsusə mesaji bə Omman vardəşe və əy bə kral Heysəm Bin Sariğ Ali Səid bəvote.

Əv həminə səfərədə de Ommani coqılə rəsmi şəxson həm vindemon və muzakirə bəkar.

Fars dıyo behronon kənoədə iyən Amerkə xərobkaranə hərəkəton jintonədə əmmo İron və Ommani miyono əloğəon tam bə ehterom iyən milli mənafe əsos be.

Ommani rəsmi şəxson nəzəku İron qıləy yol və stratejik hamsuyəy ki dəy əloğəon həmmişə bə həğiğəton əsos be.

2 qılə kişvəri miyono sərhəd problemon ni  iyən muxtəlif məsələon barədə 2 tərəf yandeku himoyədorəti kardəşone ki ın siyosət ijən dəvom kardedə.