Tehronədə şəhid "Suleymani məktəb" nomo məxsusə iminnə beynəlxalğə iclos

Tehronədə şəhid Suleymani məktəb nomo beynəlxalğə iclosi iminnə dıvrə de İroni islomi şura məclisi rəis Muhəmməd Bağır Ğalibafi nıtğ iyən xarıci və daxıli ustadon, eksperton və alimon iştiroki bino bıə.

300 qılə məğalə və bə muğaviməti aid məxsus təhğiğon de 5 qılə zıvoni bə həminə iclosi vığandə bıə.

Şəhid Suleymani və hakımiyət, şəhid Suleymani və din-məzhəbon, şəhid Suleymani və iştimaiyət, şəhid Suleymani və xarıci siyasət, şəhid Suleymani və nizomi intizomi, şəhid Suleymani və stratejik əxloğ iyən şəhid Suleymani və mediya əcumlə 8 qılə əsli mehvəronin ki ımrujnə və maştəvoni iclosi çərçivədə çəvon barədə sıhbət bəbe.

Milodi 2020 minnə sori Yanvari 3 minnə rujədə, İslomiyə İnğilobi Sepah Təşkiloti Ğuds nomo bıə ğıvvə nakonə komandir, Sərdor Ğasım Suleymani qıləy holədə ki bə İraği rəsmi şəxson rəsmiyə dəvəti əsos bə ım kişvər dəvətış kardə be, Bəğdadi airporti nezədə Amerkəvıjə terrorist iyən mıtəcuvizə ğıvvon həvoiyə həmlə cərəyonədə, və de İraği milləti bəsici yoli muavin Əbuməhdi Əlmuhəndes iyən 8 nəfər çəy canqəkəyon bə ico şəhd bıə.