Bə Eynoləsədi Amerkə baza İroni rəketiyə həmləon sorəqardış

Imru Yanvari 8 minnə ruj, İrağədə bıə bə Amerkə Eynoləsəd nomo baza səmt, İslomiyə inğilobi Sepah rəketi həmləon sorəqardışe. həmonə həmlə ki dınyo mediyaonədə hevujə refleksiyaş be.

Milodi 2020 minnə sori Yanvari 8 minnə rujədə, və Ğasım Suleymani şəhid kardey reaksiyaədə, ki de Amerkə dıvləti terroristiyə hərəkəti çərçivədə əncom bıə be, İslomiyə İnğilobi Sepah Təşkiloti de 10 qılə rəketiku vey İraği Ələnbar ostanədə bə Amerkə Eynoləsədi baza de rəket vositə həmləş kardə be.

Bə İran Peres aqentiyəti raporti əsos, həminə əməliyotədə 13 qılə balestik rəket, ki Fateh 313 və iyən Ğayam nom bıə rəketonku be, bə Eynoəsədi baza həmləşon kardə ki bə Sepah Təşkiloti ayrokosmik ğıvvə komandir Qeneral ƏmirƏli Hocizodə votə əsos, ım rəketon de diğğətin bə hədəf qınyəşone və ım bazaədə Amerkə vey muhimmə hərbi təchizaton verto vılo bıən.

Amerkə həmonə sori prezident yəni Donald Tramp İslomiyə İnğilobi Sepah Təşkiloti rəketi əməliyotiku bəpeşt, iddioş kardə ki İroni ım rəketiyə həmlə çərçivədə hiç nəfər kıştə iyən zəxmin nıbin, əmmo həmonə sori Fevralədə Pentaqon elanış kardə: 109 nəfər travmatik mazqi tələfot zıney bıən.

Həminə həmləku çand ruj bəpeşt, Amerkə CNN televeziya kanal ijən Avropa bəzi mediyaon qıləy raportədə elanışon kardə ki İroni rəketiyə həmlə şəvədə Eynoləsədi baza niqəroninə vəziyətədə be iyən Amerkə sərbozon vey dəhşətin iyən tarsedə bin.

Eynoləsədiku kəşə bıə filmon ki CNN və co qılə mediyaon muntəşirışon kardə bin nışoş do Amerkə təsisaton hevujə surətədə verto vılo bıən.

Amerkə həmonə zəmoni mərkəzi komandiri ğərorqoh Qeneral Məkenzi etırofış kardə be: çımiku bənav jıqo həmlə vindey nim və Sepah təşkiloti rəketon bə Amerkəvıjə hərbiçion sə eqniyəşe.

İroni rəketiyə həmlə zəmonədə, Palkovnik Timoti Qarlənd votışe: həğiğətən vey dəhşətin be, tosə bə ısət jıqo həmlə vindey nim, pənohqohədə bimon, har kərə ki rəket eqniyə be, tepemoni ləpə həmmə pənohqoh larzedə be və əmə zıneydə nimon ki ım hodisə çiç be.