İron və Suriyə xarıci vəziron telefoniyə votımon

Zinə şəv, İroni xarıci vəzir Huseyn Əmirəbdullahiyan iyən Suriyə xarıci vəzir Feysəl Meğdad telefoniyə votımonədə, Suriyə və məntəğə təhəvulaton və 2tərəfiyə rabitəon oxonə vəziyəti barədə de yande votımonışon kardə.

Bə İrna raporti əsos, həminə votımonədə 2tərəf muxtəlifə baxşonədə dəvardəku vey bə 2 qılə kişvəron miyono rabitəon əlovə bey təkidışon be.

Im telefoniyə votımonədə Suriyə xarıci vəzir de terrorizmi mubarizə bardey iyən bə Suriyə bohrani siyasiyə royku həlliro komək kardeyədə İron İslom Respublika təsirin və konstruktivə roli əcumlə Astanə cərəyonədə ğədrdonətiş karde iyən harcurnə siyosiyə təşəbbusədə bə İroni kişvəri ifoəkə roli dəvomi zərrurət təkidış karde.