Livaniku İroni himoyəon dəvom peydo bəkarde

Livandə İroni xarıci vəzir votışe: İron İslam Respublika de ğudrət bə Livani millət, dıvlət iyən muğaviməti cəhbəku mudafiyə dəvom bədoy.

Bə İrna raporti əsos, Huseyn Əmirəbdullahiyan bə Livan varid bey zəmonədə iyən jurnaliston cəmədə əlovəş karde: ın səfər de Livani xarıci vəziri rəsmi dəvəti və 2 tərəfi, reqional iyən beynəlxalğ məsələon ijən Fələstino oxonə təhəvolaton barədə votımon kardeyro əncom bıdə.

Əmirəbdullahiyan votışe: şək ni ki Livanədə muxtəlif siyasi cərəyonon de ləyoğəti iyən bə xarıci mudaxiləon ehtiyoc peydo nıkarde holədə ıştə prezidenti təin bəkan.

Əv çı Livani həmmə siyosi cərəyanonku dəvəış karde ki de votımon iyən təvafuği şivə bə ıştə prezidenti vıjniye iyən Livanədə siyasi prossesi komil larde əməl bıkon.