Fələstin milləti mucahidət de sioniston vədə səbarzəti sə bəbe

İroni konstitusiya muhafizə əkə şura sərkatib bə İronədə bıə Ğəzzə ruji dəme mınosibəti işorə iyən təkidış karde: Fələstin milləti mucahidət de sioniston vədə səbarzəti sə bəbe.

Bə İrna raporti əsos, İroni konstitusiya muhafizə əkə şura sərkatib Ayətullah Əhməd Cənnəti ın şura tojə iclosədə izhorış karde: Ğəzzə ruji nom noey fəlsəfə bə həmonə milləti muğaviməti ehterom noey heste ki ıştə izzətışon çı zalimon vədə mande royədə peydo kardışone iyən bə muğaviməti simvoli əvəz bıən.

İroni konstitusiya muhafizə əkə şura sərkatib çı Ğəzzə milləti səbarzətionış İlahi vəədəon cilvə zınəş be ki hukmən sioniston muğabilədə çəvon oxonə səbarzəti bois bəbe, əv təkidış karde: Ğəzzə milləti ğəhrəmonətion çı sultə nizomi hisob-kitobi be eteborış karde.

Ayətullah Əhməd Cənnəti təsdiğış karde ki dınyo həmmə ozodtələbon çı sioniston zılmi vədə məsuliyətşon heste iyən jığonə zalimanə rəftoron vədə be tafot mande tovcih kardənin ni.

bə miladi 2008-ə sori 22 rujə canqi xoto ki de sionist rejimi vədə Ğəzzə milləti ğəhrəmonə səbarzətion sə be, İroni islami şura məclis ımruj Yanvari 19 bənə Ğəzzə ruji ğeydış karde.

70 soriku vey bəbe ki Fələstin milləti həx-huğuğ oşko surəti çı işğalçiyə cinoyətkorə sionist rejimi tərəfo poymol bıdə.