Fələstin, har zəmoniku vey zumand

İroni xarıci vəzir votışe: Bəhriku tosə Nər iyən Ğərbi sahilonki tosə Ğəzzə bıə ımrujnə Fələstin har zəmoniku vey zumand bəştə həyati dəvom dodə.

Bə miladi 2008-ə sori 22 rujə canqi xoto ki de sionist rejimi vədə Ğəzzə milləti ğəhrəmonə səbarzətion sə be, İroni islami şura məclis ımruj Yanvari 19 bənə Ğəzzə ruji ğeydış karde.

İroni xarıci vəzir, Huseyn Əmirəbdullahiyan tojədən və bə Ərəbi zıvoni nıvıştə Tvitter mesaji ğolibədə çı Ğəzzə milləti ğəhrəmonəti həxədə ğeydış karde: Fələstini torixədə vey iğtisodi, siyasi və icbor bıə hərbi canqon hest be ki çəvonədə bıə mıştərikə noğtə dışmonon vədə muğavimət iyən səbarzəti heste.

İroni xarıci vəzir əlovəş karde: Bəhriku tosə Nər iyən Ğərbi sahilonki tosə Ğəzzə bıə ımrujnə Fələstin har zəmoniku vey zumand bəştə həyati dəvom dodə, anədə ki dışmon ısət məntəğədə hisob-kitobon əvəz beyku aqah bıə.

Ğeyd kardənine ki Huseyn Əmirəbdullahiyani tojəd nıvıştə Tvitter mesajədə Ğəzzə çı muğaviməti simvol iborətiku istifodə bıə.

70 soriku vey bəbe ki Fələstin milləti həx-huğuğ oşko surəti çı işğalçiyə cinoyətkorə sionist rejimi tərəfo poymol bıdə.