Dınyo şiəyon 10minnə İmomi şəhodəti sorəqardışi təsliyət

Imruj, Hicri Ğəməri 1444 minnə sori Rəcəbə manqi 3minnə ruj və Milodi 2023 Yanvari 25 minnə ruj, de dınyo şiəyon 10minnə İmom, Həzrəte İmom Əli Nəği(ə)-i şəhodəti sorəqardışi bərobəre.

Hicri Ğəməri 212 minnə sorədə, İmom Əli Nəği(ə)Mədinə şəhri nezədə bə dınyo omə iyən ıştə bozorqvarə dədə yəni İmom Cəvad(ə)-i hidoyəton jintonədə ğərorış qətə.

Ə Həzrət ıştə yolə dədə şəhodəti bəpeşt, islomi ictimaiyəti rəhbəri və imoməti ohdəş qətə iyən İmom Əli Nəği(ə)-iməşhurə ləğəbon, Hadi be ki bə hidoyətəkə mənoye.

İmom Hadi(ə) rostə islomi dəvəşə sima zıney kardeyədə vey cəhdış kardə, ə Həzrət əğidəti, fiki iyən ictimaiyəti məsələon barədə bəhs kardeyro veyə icloson bərpo kardəş be və həminə məclisonədə bə bəyon bıə soalon iyən şohbəon cəvobışon dodə bin.

Elm iyən ədəbi vey yolə şəxson, İmom Əli Nəği(ə)-i nəzdədə qırdə bin və ə Həzrət(ə)-i zıney hevujə dıyoku istifodəşon kardə.

İmom Hadi(ə)-i hevujə elm iyən zıney itərəfiku və milləti miyonədə çəy veyə cazibə iyən mahbob bey co tərəfiku, Əbbasi hakimon həsodət və bəxiləti bois bıə be və nəhayətədə, de xəbisə plani vositə, ə Həzrəti bə şəhodə rosneydən.

İron İslom Respublika Tele-Rədio təşkilot, Həzrəte İmom Əli Nəği(ə)-i şəhodəti sorəqardışi dəme mınosibəti bə həmmə mısılmonon iyən dınyo co qılə ozod tələbon təsliyət voteydə.