Livani Hezbullah Pakistoni Pişavəri məçitədə bıə terroristiyə həmlə məhkumış kardə
Livani Hezbullah de bəyoniyə muntəşir kardey vositə, Pakistoni Pişavər şəhrədə iyən de Təkfiri qrupon vositə, qıləy məçitədə cinoyəton ki kali nımoj votəyon şəhodəti bois bıə de şiddətin məhkumış kardə.
Zinə Deşəmbə rujədə,Pakistoni ğərbi şimolədə Xeybərpəxtonxa ştati mərkəz Pişavəri şəhri məçitonku qıləyniədə terroristiyə həmlə cərəyonədə, 90 nəfər şəhid və 60 nəfəriku vey zəxmin bıən.
Tosə bə ısət ım tepemoni məsuliyəti şəxs ya qrup ohdəş qətə ni.
Bə İrna raporti əsos, Hezbullah ıştə bəyoniyədə, kali nımoj votəyon şəhodəti təsliyət votey bəpeşt bəyonış karde: Təkfiri qrupon ki ıştəni dindor zıneydən və çəvon isror bə dəhşətinə cinoyəton əncom doey iyən mısılmonə kişvəron əmniyyət iyən stabiləti hədəf qətey, de ım ğatilon mubarizə bardeyro İslomi kişvəron həmkoəti zərrurəti nışo doydə.
Hezbullah ıştə bəyoniyə oxoədə terrorizm və taxsikoron təğib kardey və əmniyyəti bəğəror kardey Pakistoni dıvləti şiddətinə cəhdon tələbış kardə.
Bə statestikaon əsos, Milodi 2022 minnə sorədə, Pakistonədə, 500 qıləku vey terroristiyə həmlə ğeyd bıə. ım həmləon veyə məsuliyəton Pakistoni Taleban qrup(TTP) bə ohdəş qətə.
Çımiku bənav Im qrup, de İslom Abadi muzakirəon məğlubiyəti, otəşbasti sə bey elanış kardə be.
Dəvardə manqonədə, Şimoli məntəğəon xususi Xeybərpəxtonxa ştat və cənubədə Bəluçıstonəveyə daveon və terroristiyə həmləon şoyd be.
