SOCAR İsrailədə de ğaz kəşfiyyati məşğul bəbe
Bə Azərboyconi Devlət Nat Şirkəti (SOCAR) İsrail akvatoriyadə ğaz kəşfiyyati barde ro lisenziya doə bə.
Bə Rəsə xəbon əsosi, bın barədə məlumot, şirkəti Mışahidə Şuro sərdor, iğtisodiyyot Vəzir Mikayil Cabbarovi ıştə “X” sosial şəbəkə səhifədə nıvıştəşe.“Bə İsrail koquzor səfəri çərçivədə de SOCAR-i Prezident Rovşən Nəcəfi bə ico İsraili Eksklyuziv İğtisadi Zonadə (EEZ) “I” Blokədə bo kəşfiyyati ro lisenziyon təğdim kardə mərosimədə iştirok kardımone. In lisenziyon bə SOCAR-i beynəlxalq mevğe ğoym karde və innovativ təcrobonku bəhrə se nəzəku strateji ıhımiyyətış hıste”, – Cabbarovi bəyonış kardə.İsrail-Azərboycon mınasibəton oxonə manqonədə de surəti inkişof kardə. 2025-minə sor fevrali sıftədə SOCAR İsraili Tamar ğaz mədənədə 10%baxş səş be. 1 manq bə navən Prezidenti koməkəkə Hikmət Hacıyevi Ğudsədə de İsraili Sər Vəzir Benjamin Netanyahu didirış kardə be.Dəvardə həftə İsraili i dastə dini xonəxon bə Prezident Donald Trampi de namə ovarde bə Azərboyconi vəynə AİŞ ğəbul kardə 907-minə fərmoni oğəte və Azərboyconi bə “İbrahim Sazişon“ dənoe ricoşon kardə be.Yəhudi din odəmon namədə bəyon kərdən ki, bə “İbrahim Sazişon“ umjən qıniyə keşvəron AİŞ-ku xeyli təşviğ və siyosi dastək səşone:“Co tərəfiku, ən etiboninə mısılmon keşvər, İsraili strateji tərəfdor və AİŞ-on Nezə Şərğədə oxonə 30 sorədə əsos mıttəfığ bə Azərboycon Amerika dastəq sə nışe“- namədə ğeyd kardə bə.
