Asiya ğərbədə bıə İroni elmi i minnə vırə

İroni səhiyyə və dəvo-damon vəzorətxonə təhğiğ iyən texnoloğiya muavin Asiya ğərbədə bıə İroni elmi i minnə vırədə ğəror qəteyku xəbəş do.

Bə irib raporti əsos, Yunes Pənahi zinə jurnaliston cəmədə votışe: dınyoədə İroni elmi vırə 15 ğeyd bıə ki dəvardə sori muğaisədə 1 pillə rost bıə və bə inkişof rəsə.

Pənahi əlovəş karde: jığonə inkişofi qıləy şərayetədə videydəmon ki beynəl-xalğ təhrim iyən sanksiyaon ijən bə İroni zidd dəvom kardeydə əmmo İroni elitaon və estedodinə cıvonon elmi və səhiyyə baxşədə manedon peğətşone və bə çokə funqsiyaon dast peydo kardəşone.

İroni səhiyyə və dəvo-damon vəzorətxonə təhğiğ iyən texnoloğiya muavin əlovəş karde: ısət İroni elmi inkişofi de miyonə hisobi 7.44 heste ki səhiyyə baxədə 8.33 qeyd bıə.

Hecri 1375 ədə dınyoədə İroni elmi inkişof 52 və məntəğədə 5 be.