İrağədə İslomiyə İnğilobi səbarzəti sorəqardışi yolqətey mərosim

İroni İslomiyə İnğilobi Səbarzəti idə mərosim, de İraği rəsmi şəxson, şiə iyən sınni kuçə toyfəon yolon bərpo bıə.

44 sor çımiku bənav, Hicri Şəmsi 1357 minnə sori Bəhmənə manqi 12 minnə rujədə, (1979 minnə sori Fevrali 1 minnə ruj) İroni İslom Respublika Yolə təsisəkə, Həzrəte İmom Xomeyni(r)15 sor vətəniku diyəro mandey bəpeşt, milləti hərorətinə xoşomey miyonədə, bə İslomi İroni sərzəmin ğədəm noəş be.

10 ruj, Həzrəte İmom Xomeyni(r)-i varid bey bəpeşt, Şəmsi 1357 minnə sori Bəhmənə manqi 22 minnə rujədə( 1979 minnə sori Fevrali 11) İroni İslomi əzəmətinə İnğilob bə səbarzəti rəsə.

Bə həminə mınosibət iyən bə Tele-Rədio aqentiyəti raporti əsos, zinə cımə rujədə, əlovə bə Bəğdadədə xarıci səfiron, İraği rəsmi şəxson, şiə iyən sınni kuçə toyfəon yolon, de İroni İslomiyə İnğilobi səbarzəti sorəqardışi yolqətey mərosimədə iştirok kardey vositə, dınyo və məntəğədə İroni mısbətə roliku ğədrdonətişon kardə.

Im mərosimədə ki Bəğdadədə və bə İroni səfiri cəhdon vositə bərpo bıə, İraği milli əmniyyəti mışovir, prezidenti məxsusə nımoyəndə, kali vəziron və qrupon yolon iyən siyasi fraksiyaon həm iştirokışon be.

Im mərosimi vey muhimmə natığ həm İraği prezidenti məxsusə nımoyəndə, Əbdullah Əlolyavi be ki İraği dıvlət və milləti tərəfo İraği kişvər himoyə kardey cəhəto, İroni həmmə tərəfiyə himoyəonku ğədrdonətiş kardə və de İroni rabitəon nığıl kardey, bə İraği kişvər iyən məntəğə və dınyo mənafe cəhəto zıneydə.