İrağədə bıə İroni səfir: deşmıni nəhsə planon be nəticə bəmande

İrağədə bıə İron İslom Respublika səfir, bə İslomiyə İnğilobi səbarzəti 44 minnə sorəqardışi mınosibəti xoto, qıləy nıtğədə təkidış karde: deşmıni nəhsə planon be nəticə bəmande

İroni millət şimoliku tosə cənub, iyən şərğiku tosə ğərb, bənə dəvardə soronədə Bəhmənə manqi 22 minnə aksiyədə deştə ğəhrəmonəti və inğilobi iştirok, co kərə subitışon kardə ki həmçınan bə inğilob  və nizomi erjon və hədəfon bobəndən.

Zinə 1401 minnə sori Bəhmənə manqi 22 minnə ruj de İroni İslomiyə İnğilobi səbarzəti 44 minnə sorəqardış be.

İrağədə bıə İroni səfir, Muhəmməd Kazım Ale Sadığ votışe: oxonə manqon mıddətədə cəhdon əncom bıə ta deşmınon qıləy İronıjə xanımi bəfot ıştə hıtə bıə hıkkəon ğəror bıdən və İronədə bıhron və be stabiləti icod bıkon əmmo de İroni yolə milləti huşinəti vositə ım nəhsə planon be nəticə mandə.

Bə İsna raporti əsos, İrağədə bıə İroni səfir əlovəş karde: İslomiyə inğilob dınyo həmmə məzlumon iyən mıstəzəfon dılədə umu icodış karde və həmonə kəson ki bə həminə yolə təhəvuli xoto, çəvon dınyoiyə mənafe təhdidədəy, iminnə rujonku tosə bəısət həmmə cəhdon əcumlə terror, hərbi canq, sanksiya və mədəni hucumon əncom dodən ki İslomiyə inğilob və İroni bə zəmin bıjənon.

Ale Sadığ ijən votışe: İslomi-sivilizasiya zumandə do həmçınan səbarze və bəştə hərəkət dəvom dodə.

İrağədə bıə İroni səfir ijən əlovəş karde: İron de sultə nizomi muxalife iyən eyni holədə de votımon iyən bərobərəti muvafiğe.