Həzrəte İmom Musa Kazım(ə)-i şəhodətə ruji təsliyət

Imruj Pencşəmbə Hicri Ğəməri 1444 minnə sori Rəcəbə manqi 25 minnə ruj, (Milodi 2023 minnə sori Fevralə manqi 16 minnə ruj) de dınyo şiəyon 7minnə İmom, Həzrəte İmom Musa Kazım(ə)-i şəhodətə ruji sorəqardışi bərobəre.

Həzrət imom Musa Kazım(ə) ıştə əzizə dədə Həzrət İmom Cəfər Sadığ(ə) elmi yolə məktəbədə ki yolə alimon həm bəvədə huzurışon be iştirok əki,  və deştə dədə fəzilətonku istifodə kardey vositə, əcumlə əxlaği ali xusiyəton əcumlə pərhizqarəti muğavimət nıtarsəti iyən ədoləti tələbəti, qıləy yolə olqo be.

İmom Musa Kazım(ə) təğribən 35 sor, mısılmonon imoməti bəştə uhdəş qətə be və həminə zəmoni vey mıddətış zindonədə həbs iyən ıştə vətəni diyəro be.

Im şəroyet nışoş do ki ə Həzrəti dıvronədə, Əbbasi hakimon zılm kardə koon bə Əhle Beyte İsmət və Təhorət(ə) əlovə bıə be.

Həmonə məsələ ki İmom Musa Kazım(ə)-i bə ım şəroyeti ələyh ko karde təhrik əki, bə mısılmonon ələyh hakim bıə ictimai və siyasi fəsodə nizom be və həminə şəroyetədə İmom bə milləti ictimai və siyasi aqahətion əlovə kardey holədə be, ə Həzrət Bəni Əbbasi hakimon metod de islomi erjon zid zıneydə be.

Haronorrəşid ki həmonə zəmoni Əbbasi hakimonku be, pidəş ne be ki millət Həzrəte İmom Musa(ə)-i elm iyən fəzilətonku istifodə bıkon, bə çəy xoto  qıləy xəbisə plani vositə, ə Həzrəti zindonədə məsmum kardəş be və Hicri Ğəməri 183 minnə sorədə və 55 sorəti sinnədə ə Həzrəti bə şəhodət rosneydə bin.

Iron Islam Respublika tolışi Rədio tərəfo bə həmmə mıslmonon məxsusən tolışə həmzıvonon səbəsəloməti dodəmon.