İrağədə İroni xarıci vəziri vindemonon

İroni xarıci vəzir Huseyn Əmirəbdullahiyan çoşəmbə şəvədə və təziğinə vindemoni cərəyonədə de Həşədulşəba təşkiloti yol Faleh Əlfəyaz və İraği ğanuno dıvləti koalisiya yol, Nuri Əlmaleki vindemonış kardə.

Bə İrna raporti əsos, ım vindemonədə İroni xarıci vəzir, de Nuri Əlmaleki vindemoni cərəyonədə çəyku bə İron səfəriro dəvətış kardə.

İraği ğanuni dıvləti parlament və siyasi koalisiya yol həm bə İron və İraği rəsmi şəxson miyono daimə rabitəon əhəmiyyəti təkidış karde iyən muxtəlifə baxşonədə rabitəon zumand kardeyro xususi əmniyyəti və iğtisodi zəminəon cəhəto ım 2tərəfiyə vindemonon zəruri zıneydə.

Əlmaleki ijən əlovəş karde: İraği dıvlət de həmmə dınyo kişvəron xususi İron İslom Respublika həmkoəti dəvom doeyro meylış heste.

Seşəmbə şəvədə İroni xarıci vəzir Huseyn Əmirəbdullahiyan bə İraği xarıci vəzir Fuad Huseyn rəsmiyə dəvəti cəvobədə deştə ali heyəti bə ico bə Bəğdad varid bıə.

İroni diplomatiya təşkiloti yol, İraği xarıci vəzir Fuad Huseyni vindemoni bənav, İraği prezident Əbdullətif Rəşid, və ım kişvəri parlamenti yol Muhəmməd Əlhəlbosi vindemon və votımonış kardə be.