De Talibani vositə, İroni sərhədçi ozodəti

aqahə mənbə elanış kardə ki dastqir bıə İroni sərhədçi, de Taliban hərbiçion vositə və əncom bıə məşvərəton vositə ozod bıə.

Dışəmbə rujədə həminə aqahə mənbə bə İrana elanış kardə, de Talibani sərhədçiyəti vositə dastqir bıə İroni sərhədçi, elan bıə votəyon əks, sərboz nıbe, və sərhədçiyəti dərəcədor və çəvon kadron uzvonku qıləyni be.

Həmçınin aqahə mənbə elanış kardə be, İron İslom Respublika marzədə ğaçağ məhsulon kırniyə maşin mıtəvəğif bıə və marzbonəti hərbiçion de bə maşin nıştey vositə, təftiş kardey holədə be ki ım maşini romeyəkə bə Əfğanıston kişvəri marzon səmt fərorış kardə və İron İslom Respublika marzbonəti ğıvvə həm maşinədə iştirokış be.

ijən həminə mənbə elanış kardə ki de diğğət bə hamsuyəti çokə rioyət kardey prinsipi əsos, İron İslom Respublika marzbonəti ğıvvon de Əfğanıstoni marzbonəti ğıvvon həmkoəti çərçivədə bə ğaçağ məhsulon kırniyə bıə maşini səmt həmləş nıkardə və Əfğanıstoni marzi hərbiçion maşini mıtəvəğif və çəy mısofiron dastqirış kardə ki çəvonku qıləyni İroni sərhədçi ğıvvə be.