Bəğdad, İron və İraği mıştərəkə kamissiya 5minnə iclosi mizbonəti

Esfəndə manqi 21 tosə 23(Martə manqi 12 tosə 14) İraği paytəxtədə, İron İslom Respublika miyono iğtisodi mıştərəkə kamissiya 5minnə iclos, bərpo bəbe.

Bə İrna raporti sos, İroni xarıci vəziri iğtisodi diplomatiya muavin, Mehdi Səfəri həminə barədə votışe: İroni heyət ki bəzi dıvləti və xısusi baxşon nəmoyəndəonku şomil bəbe və xısusi İRoni iğtisodi fəalon və tacironku bəzi şəxson və bə iğtisodikoon vəziri riyosəti bə Bəğdad səfərış kardedəta ım iclosədə muxtəlifə baxşonədə həmkoətion vey muhimmə mevzuon  təğib kənən və 2tərəfi həmkoətion nığıl baxşədə moxtəlifə sənədon imzon kənən.

Şəmsi 1401 minnə sori dəvardə 10 manqi mıddətədə, İron və İraği ticorəti mığdor təğribən 9 milyon dollar be və həminə mıddətədə İroni ixracat de 23 faiz ozavziyə bə 8 milyardo 927 milyon dollar və İrağiku varid bıə məhsulon miğdor de 84 faiz kam bey bə 146 milyon dollar rəsə.

Milodi 2020 minnə sori Oktiyabrə manq( Şəmsi 1399 minnə sori Dey manqədə) Tehronədə, İron və İraği miyono mıştərəkə komissiya 4minnə iclos bə enerji vəzorətxonə mizbonəti bərpo bıə.