Bəşar Əsəd: Amerkə, dınyo vey yolə tuğyanqərə devləte

Suriyə prezident bə Suriyə şimol Amerkə ərtışi mıştərəkə ğərorqoh yol məxfi surəti səfə işorəş karde iyən votışe: ım səfə nışoş do ki Amerkə, dınyo vey yolə toğyanqərə dıvləte.

Martə manqi 4 minnə rujədə, Amerkə ərtışi mıştərəkə ğərorqoh yol, Mark Mili de beynəlxalğə prinsipon darşiye, və be ım ki Dəməşği ğanuniyə dıvlətiku icozə bıqəto, bə Suriyə şimol şə.

Suriyə prezident Bəşşar Əsəd, de Rosiya Əlyəom votımonədə bə multilateralizmi dınyo icod bey işorəş karde və əlovəş karde Amerkə ıştə əzəməti dastiku doəşe.

Bəşşar Əsəd həmçınin ehtımolış do ki de Tırkiyə prezident Rəcəb Təyyeb Ərdoğani vindemon bəkay və təkidış karde: həminə şəyoyetədə ki de Suriyə votımonro Ərdoğani iminnə hədəf, səçıne, əmmo Dəməşği iminnə hədəf, Suriyə sərzəminiku, ğeyri ğanuniyə hərbiçion yəni Tırkiyə və Amerkə c\xarıc kardeye.

Suriyə prezident həmçınin Tırkiyə mudafiə vəzir Xulosi Akar sıxənon reaksiyadə işorəş karde: Suriyədə, Tırkiyə ərtışi iştirok işğolçiyəti mənoş ni, əv ijən votışe: əqə ım işğolçiyəti ni, peşo çiçe? mizbonətie?

Bəşar Əsəd həmçınin bə Suriyə sərzəmini sionist rejimi təcavuzkorə həmləon dəvomi işorə iyən əlovəş karde: sionist rejim, Suriyə məntəğəon bambaon təmomış nıkardə və Milodi 2013 minnə soriku Suriyədə vəziyət bevəc bıə və həminə çərçivədə, de Amerkə həmkoəti vositə, DAEŞ icod dıə.

Suriyə prezident həmçınin de Çini vositəçiyəti İron və Ərəbistoni rabitəon tojədən bino bey, qıləy heyrətomizə təvafuğ zınəşe və əlovəş kardə: dəvardə 4o sori mıddətədə, Dəməşğ de Tehroni vey mehkəmə rabitəş be.

Martə manqi 10 minnə rujədə, Pekin şəhrədə, İron və Ərəbistoni muzakirəon cərəyonədə, 2 qılə kişvər təvafuğışon kardə ki 7 soriku bəpeşt ıştə diplomatiya rabitəon tojədən bino kənən.