Fələstinıjon həxon darşiye barədə, bəşər həxon duə iddioəkəyon sukutiku, İroni tənğid

İron İslom Respublika xarıci vəzarətxonə sıxənəvot, sionist rejimi səmtiku Fələstinıjon hevujə həxon darşiye barədə, bəşər həxon duə iddioəkəyon sukutiku tənğidış kardə

70 soriku veye ki Fələstini məzlumə milləti həxon, sionist rejimi işğolçiyə rejimi çəkməon jintonədə hırd bəbe, ım mıddətədə ım rejim bə Fələstini ələyh vey dəhşətinə cinoyəton əncom doşe.

Bə İrna raporti əsos, zinə şəv, İroni xarıci vəzarətxonə sıxənəvot, Nasır Kənani bə "Fələstini əsir ruji" mınosibəti xoto, qıləy Tvittədə nıvıştəşe: sionist rejimi anti bəşəri rejimi səmtiku, Fələstinıjon hevujə həxon darşiye, ğərbi kişvəronədə bəşər həxon duə iddeoəkəyon sukut dəvomış heste.

Kənani ijən əlovəş kardə: aya ım duə iddeoəkəyon, təğribən 5 həzo Fələstinıjə əsiri sərnıvışt ki de sionisti apartayd rejimi əsir bıən xəbəşon heste? ım əsiron əcumlə 31 nəfər jen və 160 nəfər hırdənin.

İroni xarıci vəzarətxonə sıxənəvot ijən təkidış kardə, bəşəri oğoə vijdon və torix mıhokimə bəkarde.

Aprelə manqi 17 minnə ruj, Fələstini əsir nomo bıə ruj ğeyd bıə, həmonə ruj ki Milodi 1974 minnə sorədə Fələstini milli şura Fələstin və ozodi əsironku mudafiə kardeyro cəhdon i beyro bənə milliyə ruj təyin bıə.