Ərəbi və Suriyə kişvəron rabitəonədə mısbətə təhəvulatonku İroni himoyə

İroni xarıci vəziri ali mışovir, Suriyə koonədə İ Bıə Milləton sərkatibi nımoyəndə vindemonədə təkidış kardə: Ərəbi və Suriyə kişvəron rabitəonədə mısbətə təhəvulatonku İron himoyə kardedə.

Xarıci vəziri ali mışovir, Əli Əsğər Xaci, Suriyədə bıə İ Bıə Milləton sərkatibi nımoyəndə Qir Pederson vindemonədə təkidış kardə: bəpe de terrorizm mubarizə kəmon və bə Suriyə ərazi və hakımiyət ehtırom bınəmon, əv ijən ərəbi kişvəron rabitədə mısbətə təhəvulatonku ıştə himoyə nışoş do və ım məsələ bə məntəğə əmniyyət və milləti mənafe zınəşe.

Bə Fars aqentiyəti raporti əsos, Suriyədə bıə İ Bıə Milləton sərkatibi nımoyəndə Qir Pederson ki bə Tehron səfər kardəş be, İşəmbə rujədə İron İslom Respublika xarıci vəzorətxonə vırədə iştirokış kardə və de xarıci vəzir, Huseyn Əmirəbdullahiyan və xarıci vəziri ali mışovir Əli Əsğər xaci vindemon və votımonış kardə.

Suriyə oxonə təhəvulaton əcumləTırkiyə və Suriyə daveon həlli barədə, İron, Rusiyə, Tırkiyə və Suriyə xarıci vəziron 4tərəfiyə iclos, Suriyədə bəşərdustanə məsələon və problemon həlli koməkiro İ Bıə Milləton Təşkilot və İron İslom Respublika mıştərəkə həmkoəti zəminəonvə siyosi prosseson əcumlə ım vindemoni co qılə votımoni mevzuon be.