7 sori bədiqə Sənaku bə Səudiyyə Ərəbıstoni iminə kərə pəremon.

7 sori bədiqə Yəməni təyyorə Səna Beynəlxalğə Həvo portiku bə Ciddə iminə pəremonış elon kardə.Çandə manq çımi bənav Yəməni behroni de siyosi həlli roy noyil bıero regional və Beynəlxalğə səyon ziyod bıə və demi əloqədor Səudiyyə və Omani nımoyəndə heyəton bı nezonədə bə Səna səfəşon kardə.

Yəməni Milli Nicoti Hukuməti omə şanbə rujiku etiborən Sənaku bə Səudiyyə Ərəbistoni pəremonon bərpo bıeyış bəyon kardə.bə Əl-Mayadeen şəbəkə məlumoti əsos kişfəri zəvvoron şıkırnə Yəməni təyyorə iminə pəremon şanbə ruji Səna həvo portiku bə Ciddə Kral Əbduləziz Beynəlxalğə Həvo Porti bəro dəqiniyə.

ım ıştənəpərədə 275 zəvvor bıə. Beynəlxalğə Həvo Porti direktor "Xalid Əl-Şəif" çımi bənav bəyonış kardəbe ki,Sənaku bə Səudiyyə Ərəbistani pəremonon 7 sornə fosilə bədiqə şanbə ruji bərpo bəbe.Əl-Şəif ıştə Twitter hesobədə nıvıştəşbe: “de Nəğliyyot vəziri briqada general Əbdul Vəhab Əl-Dərən dıjdə səyon bo Həcci ziyorətiro zəvvoron şıkırnero şanbə rujiku etiborən Sənaku bə Səudiyyə Ərəbistani iminə pəremonon bərpo bəbe”.

Amerkə çı Yəməni məsələonədə bıə nımoyəndə “Timoti Linderkoeniq” həm Yəməni Prezdent Şurə və çın kişfəri Milli Xilosi Hukuməti sulh səyon və bo yəmənıjon əzob və problemon kam kardeyro dəvominə tədbiron,ə cumlə Yəmənıjə zəvvoron de Səna həvo porti vositə de Xıdo Kə ziyorəti niyyəti mısbətə fəaliyyəton barədə məlumotış doə.dəvardə haftə Beynəlxalğə otəşbasti çərçivədə 2015-ə sori avqustədə pəremonon çandə soron oqətey bədiqə Səna Beynəlxalğə Həvo Portiku iminə kommersiya pəremon bə həyot dəvordıney bıə.

Yəməni media bə Yəməni Həvo Roon məxsus təyyorə dəvardə haftə bə Səna həvo porti nıştemon kardey və peşo bə İordaniyə poytaxt Əmmani de iminə reysi de sərnişinon bə ico bəro dəqineyış bəyon kardə.