Ərbəyine Huseyn(ə)-i mərosimi əmniyyəti təmin kardeyro Kərbəloədə məxsusə əmniyyəti əməliyot
Kərbəlo polis, Ərbəyine Huseyn(ə)-i mərosimədə zayiron əmniyyəti təmin kardey cəhətədə, Kərbəlo şimolədə məxsus və hevujə əmniyyəti əməliyotiku xəbəş do.
Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.
Bə Bəğdad Əlyəom sayti raporti əsos, Kərbəlo polisi komandir de qıləy bəyoniyə sodir kardey vositə elanış kardə: Kərbəlo ostani şimolədə hevujə əmniyyəti əməliyot de Ərbəyinde Huseyn(ə)-i mərosimi əmniyyəti plan icro bey hədəf bino bıə.
Kərbəlo polisi komandir ijən təsdiğış kardə: Kərbəlo ostani şimol məntəğəonədə ım əmniyyəti əməliyot de əmniyyəti iyən hərbi muxtəlifə vahidon iştirok xususi Əlvənd, Əlrəfie iyən Əlxənafese məntəğəonədə əncom bəbe.
Bə ım raporti əsos, əməliyotiyə məxsusə vahidon, taktiki vahidon, de terrorizm mubarizə bardey vahidon, tıpemoni maddon ba nəticə kardey vahidon, İraği ərtışi həvoiyə ğıvvə iyən milli əmniyyəti vahidon de Kərbəlo polisi əmniyyəti hevujə əməliyotonədə həmroəti kardedən.
