Fələstini milləti muğavimətədə şəhid Suleymani rol

Fələstini milləti muğavimətədə şəhid Suleymani roli barədə fakton ısət har kəsi tərəfo təsdığ bıdə.

Şəhid Hoc Ğasım Suleymoni Həşi 1396-ə sori qıləy ehandımonədə ki,çe Fələstıni mığobilədə İroni strateqiyə barədə be, voteşe:”əmə bə qıləy cərəyoni xoto bə Fələstıni koməq kardedənimon.bəlkəm çəmə çe Fələstıni milləti himoyə bəçəmə bəştə dini iyən inğılobi vəzifə əncom doey iyən de seonist rejimi mıborizə bardey səbəbi xotoye”.

Şəhid Suleymoni ıştə həmonə sıxanonədə həmçinin bəyonış karde:”votedən əmə çıro Suriyədə canqımon karde?.çok,bə ın səbəbi xotoye ki,bənə seonsit rejimi qıləy ro qim kardə iyən qustaxə rejim de 300 qıləsə ziyodə atom bombə malik bıey və de naviku bıə canqi strateqiyə vıjniye,har qıləy ğudrəti çəy aktual bıey bənav məhf və bombaron kardedə.əmmo ımruj İslomi Respiblikə de izzət iyən iftixori jıqo qıləy rejimi mığobilədə mandə və çəy dəlil kişfəri daxilədə ıştə irği əskəronsə əlovə,co sərbozon həm hestin ki,coqlə noxtəonədə ın dışmenışon oqətə”.

Sərdor Suleymoni ıştə şəhodəti çandə manq bənav çe Fələstıni xısusədə ın cumləonış bəyon karde:”İlahi rəhmət iyən rizvon bə Fələstıni şucoətinə mərdumi bıbu ki,de ziyodə zəxmon iyən zolımonə mıhosirə təvəssuti və həmən çe çandə sa milyon mısılmınon çəşon mığobilədə bə dışmenon vəhşiyonə hucumon xoto,çəvon sinonədə qıləy nığılə ğəm iyən dard heste.səlom bıbu bə mığovim iyən mıborizə Həniyyə və bəçəy bəfodorinə duston ki,Ğəzzədə çe izzəti barzətiyədə və de imoni və səbarzəti ruji de qıləy vizyon iyən vindemoni ,çe mığovimət iyən həyyə ələl cihodi fəryodi jeydən”.

Həlbəttə Şəhid Hoc Ğasım Suleymoni hiçvaxti bın bəyonotonədə ıştəku iyən ıştə çe mığoviməti cəbhə səbarzəti,bın hodisəonədə iyən mığovimətonədə ifo kardə muhimmə roli həxədə qıləy sıxanış bə miyon nıvarde.ikərə həm ıştən çəy planış kəşə iyən çəy əsliyə hami bıə ğələbon həxədə de təvozukurəti votəşbe ki,ın tovfiğon iyən ovandətiyon çe Həzrəte Zəhro(s) inoyəton məhsule.

Əmmo cokəson ısət çe kişfəri daxilədə və çe xaricədə ya çe duston bıbu ya dışmenon bımi təkid kardedən ki,çe Fələstıni Mığoviməti bın rujonədə ğudrət iyən ğıvvə əsliyə dəlilonku qıləyni çe Şəhid Hoc Ğasım Suleymoni vində dıjdə koon be.