Sionist rejimi mediyaon, Cəninədə bə hərbi əməliyoti məğlubiyəti etırof kardışone

Pencşəmbə şəv sionist rejimi mediyaon etırofışon kardə: israili ərtış tosə ıstə muvəffəğ nıbıə ki Cənin kəmpi daxılədə hiç qılə təsirinə əməliyot əncom bıdə.

Bə İrna raporti əsos, bə ım mediya bovə əsos, Ğəzzə dəvardəco bastey həm ım tanqə iyən israili marzədə daveon kam kardeyro hiş təsirış nibəbe.

Çımiku bənav həm Seşəmbə şəv, " Rişt Kan" nomo İbrani zıvoniyə kanali jurnalist Roi Şaron  etırofış kardə be ki Cənin kəmpədə Seşəmbə ruji şiddətinə daveon və israili ğıvvon royədə bomba tepımoni ki bois bıə qıləy hərbi maşin xərob bıu, de oşko surəti subitış kardə ki bə ım kəmpi ələyh, 2 manqi bənavi 2 rujə əməliyot be nətiicə be və hiç əməliyotiyə muvəffəğiyətış nıbe.

Votey bəbe Bə Ğərbi sahilədə Cənin kəmpi sionist rejimi Seşəmbə həmlə cərəyonədə 4 qılə Fələstinıjon şəhid və təğribən 30 nəfər həm zəxmin bıən.