Bə "Ələğsa Tufan" İroni devləti sıxənəvoti reaksiya
İroni devləti sıxənəvot bə "Ələğsa Tufan"-i nomo əməliyot ki muğaviməti ğıvvon səmtiku əncom bıə reaksiya nışoş do iyən təkidış kardə: bə hırdənəkıştə rejimi cinoyətkorə hərəkəton, Fələstini cıvonon ğoymə cəvob subutış kardə ki ımruj har zəmoniku vey sionist rejim məğlub bıə rejime.
Bə İrna raporti əsos, zinə İroni devləti sıxənəvot, Əli Bəhadori Cəhromi Həmas Fələstini muğaviməti ğıvvon səmtiku "Ələğsa Tufan"-i nomo əməliyot iyən işğoliyə sərzəminon oxonə təhəvulaton barədə nıvıştəşe: bə hırdənəkıştə rejimi cinoyətkorə hərəkəton, Fələstini cıvonon ğoymə cəvob subutış kardə ki ımruj har zəmoniku vey sionist rejim məğlub bıə rejime və təşəbbus bə Fələstinıjə cıvonon dastədəy.
Zinə Şənbə Fələstini muğaviməti ğıvvon "Ələğsa Tufan"-i nomo əməliyotədə bə işğol bıə ərazi əcumlə Telaviv, Aşdod de rəket vositə həmlə kardışone.
Bə işğol bıə sərzəminon, de muğaviməti ğıvvon rəketi həmləon həmzəman Həmasi canqəkəyon bə Ğəzzə tanqə ətrofədə bıə sionist rejimi qədə şəhron nıfuz kardışone və çand qılə sionist rejimi hərbiçi əsir kardışone və çand qılə məntəğə həm bəştə dast qətəşone.
Fələstini muğaviməti co qılə qrupon həm Həmasiku ıştə komilə himoyə elan kardışone və xəbə doşone ki de Həmasi canqəkəyon bə ico canq bəkan.
Həmçınin israili ğıvvonku çand həzo kıştə bıə kəson şikil həm muntəşir bıə və muxtəlifə videoonədə bə Ğəzzə tanqə sionist rejimi hərbiçion cəsədon vırə bə vırə kardey vindey bəbe.
