Çe Sionist rejimi tərəfo, sənibəton otəşvəsi darıştey

Fələstini mənbəon elan kardışone ijən sionist rejim co kərə otəşvəsış darıştə.

Noyabrə manqi 22 minnə rujədə, və çand qılə ğeyri sərostə muzakirə bəpeşt, sionist rejim və Fələstini muğavimət 4 ruji mıddətiro və de mıvəğğət surəti otəşvəsi ğəbul kardışone və ğəror bıə ım mıddətədə həm əsiron mıbodilə bıbun,Noyabrə manqi 24 minnə ruj yəni cımə rujədə ım otəşvəs icra bıə və otəşvəsi miğdor 2 ruj həm dıroz bıə.

Bə Səma Fələstini aqentiyəti raporti əsos, Pencşəmbə şəv Ğəzzə tanqə cənubədə, Rəfəh şərği məntəğəon osmonədə, sionist rejimi təyyoron muşahidə bıə və bə əncom bıə təvafuğon və sazışon əsos, ım hərəkət Ğəzzədə mıvəğğətə otəşvəsi oşkoə darşiye mənodəy.

Sionist rejimi mediyaon təkid kardışone ki ımruj cımə israili əsironku co qılə qrupi ozodi ehtımolış heste əmmo həni ğoym ni.

İjən Ğətəri xarıci vəzorətxonə sıxənəvot Maced Ələnsari de işorə bə pencşəmbə rujədə otəşvəsiro sionist rejim və HƏMAS-i sazışon, Ğəzzədə daimə otəşvəsi icod kardeyro cəhdonku xəbəş do.