İroni xarıci vəzir de İsmail Həniyyə telefoniyə votımonış kardə

Zinə şəv, İroni xarıci vəzir Huseyn Əmirəbdullahiyan ijən de  HƏMAS-i hərəkəti siyosi ofisi sədr, İsmail Həniyyə  Fələstini meydoni və siyosi oxonə təhəvvulaton barədə sıhbət və votımonış  kardə.

Bə İrna raporti əsos, Huseyn Əmirəbdullahiyan beynəlxalğə baxşonədə İron İslom Respublika və ərəbi iyən islomi kişvəron diplomatiya oxonə hərəkəton barədə bə Fələstini islomi muğaviməti hərəkəti siyosi ofisi yol raportış do.

 Huseyn Əmirəbdullahiyan İ Bıə Milləton prinsipi 99 minnə maddə və bəndi əktiv kardeyədə  və Ğəzzədə etosniye və Fələstini təhəvvulaton barədə, sıhbtış kardə və İ Bıə Milləton Təşkilati 99 minnə bəndiku istifodə kardey, beynəlxalğə əmniyyət və sulhi oqəteyro ciqəmandə hərəkət zınəşe və de dınyo umumiyə fikon vositə himoyə kardə bıə hərəkət bə hisobış vardə.

Im telefoniyə votımonədə Həmas-i hərəkəti siyosi ofisi sədr, bə Fələstini milləti ələyh sioniston cinoyəton bə oxo rəsey xoto, məntəğə və beynəlxalğə baxşonədə  İroni hevujə diplomatiya cəhdon və fələstini millətiku himoyə kardeyədə İron İslom Respublika ğoym və subitə cəhdonku ğədrdonətiş kardə.