Əmirəbdullahiyan: telaviv cı İroni saxtə intiğomi intizorədə bıbu

İroni xarıci vəzir, Suriyədə bıə İroni hərbi məşhurə mışovir Qeneral Seyd Rəzi Musəvi şəhodəti təsliyət votey kənoədə təkidış karde: telaviv ki ın cinoyəti əncomış doə bəpe cı İroni saxtə intiğomi intizorədə bımando.

Bə İrna raporti əsos, İroni xarıci vəzir Huseyn Əmirəbdullahiyan ıştə İX səhifədə Suriyədə bıə İroni hərbi məşhurə mışovir Qeneral Seyd Rəzi Musəvi şəhodəti bə çıy ailə, və İron iyən Suriyə millət və dıvləti təsliyət votışe və təkidış kardə: telaviv cı İroni saxtə intiğomi intizorədə bıbu.

Əv əlovəş karde: ın bozorqvarə şəhid, vey soron Şəhid Hoci Ğasim Suleymani kənoədə çı məntəğə əmniyəti təmin kardeyro cəhdış kardə.

Qeneral Seyd Rəzi Musəvi çı İroni Sepah təşkiloti hərbi yolə mışovironku be ki məntəğədə muğavimətiku harcurnə himoyədorəti kardey və bəvon komək rosniyey cəhəto fəaliyət kardedə be. In fərmonə zinə və Suriyə Zeynəbiyə məntəğədə de sioniston rəket həmlə nəticədə şəhid be.