Fələstini milləti muğavimətədə şəhid Suleymani rol(1)

Fələstini milləti muğavimətədə şəhid Suleymani rol(1)

Tufonəl-Əğsa əməliyyoti bın oxonə soronədə həmməysə dıjdə əməliyyot hisob kardey bəbe.qıləy əməliyyot ki,çe Ğəzzə səbarzətiyonku qıləy muhimmə baxş bəvədə dəvardə soronədə bə şəhid sərdor Suloymoni himoyəton ğarzıxoye.

Mığoviməti ğıvvon oxonə ğələbəon çe şəhid general Suloymoni noə irse....

Ğəzzə tanqədə fələstınıjon de silohi təchiz kardey,qıləy vırə ki,çe israyili mıhosirədəy və bəçəy xarici dast pəydu kardey xeyli saxte,hejo çı mediya iyən analitikon dığğət nışon doə iyən seonist rejimi bə heyrət vardə vırəye.çe Ğəzzə bə silohinə mıvəffəğətiyon iyən səbarzətiyonku qıləy muhimmə baxşi dast pəydu kardey,bə şəhid sərdor Suloymoni himoyəton ğarzıxoye ki,fələstınıjon çəy şəhodəti bədiqə bəy təkid kardeşone və Fələstıni mığovimət ıştə mıxtəlifə sıxanonədə Ğəzzə iyən 22 rujnə canqədə bə sərdor Suloymoni rol iyən iştiroki işorəşon kardə.

Əhməd Əbdul-Hadi İslomi Mığovimət Hərəkoti siyosi uzv və HƏMAS-i livanədə bıə nımoyəndə votedə:”Suloymoni çandə kərə bə Ğəzzə səfəş karde və hejo çe sıftəku mıdofiyə plani kəşey və çəy tərtibədə iştirok kardəşe ki,ım qıləy sırr ni və dışmen ımoni həmmə zıneydə,əmmo çəvon nızınə çiyon çəvon zınə çiyonsə vey ziyode”.

HƏMAS-i siyosi buro rəhbər İsmoyl Həniyyə həm Tehronədə çe şəhid sərdor Suloymoni iyən deəy bə ico bıə şəhidon təşyi mərosimədə izhorış karde:”komandan şəhid sərdor Suloymoni ıştə həmmə jimonış çe Fələstıni himoyə və dastəki koyədə dəvordınışe və elon kardedəm ki,ın yolə komandan çe Ğudsi şəhide”.