Tehroni Şohəda meracədə Şəhid Musəvi pokə bədəni təşyi

Çoşəmbə şəvədə qeneral Şəhid Rəzi Musəvi pokə bədən bə Tehroni Şohəda meracədə ovoştoniye iyən de şəhidpərvər iyən əzodorə milləti iştiroki təşyi bıə.

Bə İran Peres aqentiyəti raporti əsos, zınə şəv qeneral Şəhid Rəzi Musəvi pokə bədən bə Tehron ovoştoniye bənav Nəcəf Əşrəf şəhrədə de islomi muğaviməti cəhbə canqəkəyon və İraği çand həzo şahrvandon iştiroki təşyi və Həzrəte Əli(ə)-i mələkotiyə pokə hərəmədə təvaf doə bıə.

İslomi İnğilobi Sepah Təşkilati kanə nizomi məsləhətçiyonku qıləyni, Qeneral Şəhid Rəzi Musəvi pokə bədəni təşyi mərosimədə Nəcəf və Kərbəlo millətiku veyə cəmiyət iştirokışon be.

Çımiku bənav həm qeneral Şəhid Rəzi Musəvi pokə bədəni təşyi mərosim, Həzrəte Zeynəb(s) iyən Həzrəte Roğəyyə(s) pokə hərəmonədə bərpo bıə be.

İslomi İnğılobi Muhafizə Korpusi Ğuds Ğıvvon mışavironku qıləyni və Suriyədə bə mığoviməti mehvəri dastək sahədə fəal bıə Haci Ğasım Suleymoni dust və canqi həmro Sərdor Seyd Rəzi Musəvi dekabri 25-ədə çe seonist rejimi bə Dəməşği Zeynəbiyyə məntəğə hucumi zəmonədə şəhid bıə.

De“Seyd Rəzi” ləğəbi zıney bıə sərdor Musəvi İslomi İnğılobı Nığodoə Korpusi Ğuds Ğıvvon kanə məsləhətçiyonku və bə İraği Bəəs rejimi ələyh mığəddəsə mıdofiyə devroni canqəkəyonku və çandə qılə əməliyyotonədə canqəvəron kəno bıə cəsurə Mıhofizə dastə komandir be.