Fələstini milləti muğavimətədə şəhid Suleymani rol(4)

Fələstini milləti muğavimətədə şəhid Suleymani rol(4)

İslomi Mığoviməti Hərəkoti siyosi uzv bıə Əhməd Əbdullah jıqo hisob kardedə ki,Ğəzzə jiyədə tunelon ejey fik və əndişə ki,ısət 260 kilometrisə ziyodə tunel ejey bıə çe dı nəfəri komandani tərəfiku ki,qıləyni İmad Muğniyə və coqləyni hac Ğasım Suleymoni tərəfiku bəhs kardey bıə.

Şəhid Suleymoni 22 rujnə canqədə hərəkətonku qıləyni tunelon soxtey be.İslomi Mığoviməti Hərəkoti siyosi ofisi uzv iyən Livanədə Həmasi nımoyəndə bıə Əhməd Əbdullahi votedə:Ğəzzə jiyədə tunelon kandey əndişə ki,ımruj 360 kilometrisə ziyodə vırə əyo tunel kandey bıə və əvon yəni sehyoniston çoko-çoki fameydən və ın kifoyət kardedə,çı dı nəfəri tərəfiku qıləyni şəhid imad Muğniyə və coqləyni həm hac Ğasım Suleymoni tərəfiku bəhs kardey be.

Mərhum Ənis Nəğğaş həm çe sərdor Hac Ğasım Suleymoni çı Ğəzzə tanqə mıhosirə darıştey xısusədə votəşe:qıləy zəmon ki,Hizbullah səyış karde 22 rujnə canqədə cəhdış karde Misriku bıpyo ki,icozə bıdo canqi zəxmiyon Ğəzzəku bo mıolicəro çəyu xaricko və husni mıborəki icozəş nıdoe,de İmad Muğniyə və Ğasım Suleymoni tədbiri qıləy əcibə hodisə bə əməl ome ki,nəyinki,zəxmiyon çəy xaric kardemone,bəlkəm bə Ğəzzə əhali dast siloh həm rosnomone.

De ın tərtibi beki,hac Ğasımi voteşe:bəqəm millət davo-damon iyən hardemonışon piyedəni,bəqəm mıcohidon silohışon piyedəni?çən,çıro nıştəyon?kifoyət kardedə ki,bə Misri Ələriş marzi səmt hucum bobənən və marziku dəvardənən. əyo həm xorək və damon heste və həmən siloh hozzı kardəmone.əyo hucum bıkənən.fələstınıjon həm ın koşon karde və qıləy vırəku əmr nıstənə holədə bə həmonə vırə hucumışon karde,marziku dəvardin və ıştə niyozışon bıə çiyon iyən ıştə silohonışon ğəbul karde,oqardin və mığovimətışon nışon doe və canqədə səbarz bin.ım çe Hac Ğasımi tədbir be.