Fələstini milləti muğavimətədə şəhid Suleymani rol(7)

Fələstini milləti muğavimətədə şəhid Suleymani rol(7)

Sərdor Suleymoni Həşi 1390-ə sori çe cihod iyən şəhodəti veteranon cəmədə votə qıləy sıxanədə ki,de Təsnim aqentəti təvəssuti intişor iyən pevolo be,votəşebe:2000-ə sori hodisəon bənav omə zəmonədə ki,israyil çe Livani cənubiku fərolış karde,peşonə hodisə çe Ğəzzəku bə dumo pekıriye be.joqo ki,yəhudi xaxamon bəme-bəme Ğəzzəku bə dumo pekıreydəbin,ın çe Ğəzzəku xaric bıey çe Livaniku bə dumo pekıriye hodisə bədiqə bıə səmərə be.çe 23 rujnə canqi və coqlə səbarzətiyon ki, Ğəzzə daxilədə 22 rujnə canqədə bıə sabitəti səmərə be.ın hodisəon çe Misri marzon kəno bə əməl ome.

Bə Işğal bıə Ğudsi şəhri İslomi Cihodi Hərəkoti rəyisi votey əsos,hejo çe sərdor Suleymoni dıl və ğəlbədə ğərolış hestebe və canqi təmosonədə ki,şəhid Suleymoni məntəğədə bəvonədə iştirokış hestebe,çəy ğutbnomə və  kompas Ğudsi canq be.çıro ki,hədəf mığoviməti muhafizə kardey be.

Nasir Əbuşərif həm bəştə de Şəhid Suleymoni bıə oxonə dido işorə kardə holədə izhor kardedə:Hoc Ğasım dayima bə Fələstıni məzlumə milləti mıdofiyə koy təkid kardedəbe və ıştə oxonə vindemonədə bəmə voteşe ki,Fələstin həmməysə dıjdə məsuliyyəte ki,çəmə qərdənədə noey bıə və axırətədə çəməku dəparsənin bıə iminə çi,çe israyili Fələstıni məzlumə milləti mıdofiyə koy barədəy.