ƏmirƏbdullahiyan:Regiyonədə bıə mığoviməti ğıvvon mıstəğilin

İroni xarici koon vəzir Huseyn Əmir Əbdullahiyan seonist rejim bə Ğəzzə hucumədə bəştə tələb kardə kardə məğsədon hiç qıləyni noyil nıbey bəyon kardə holədə əlovəş kardə:Yəmən həm daxil bıə holədə,regiyonədə mığoviməti ğıvvon mıstəğilə şikilədə və ıştə intereson çərçivədə hərəkət kardedən.

Bə İRNA məlumoti əsos,Huseyn Əmir Əbdullahiyan çı İroni har vırəku dini lideri nımoyəndəon və cımə imomon qırdbemonədə Livani Hizbullah çı seonist rejimi mığobilədə bıə mığoviməti izoh kardə holədə,şəhid Suleymaniş dınyo arenadə de terrorizmi mubarizə ğəhrəmonış zıne.bə İRNA məlumoti əsos,İroni xarici koon vəzir Huseyn Əmir Əbdullahiyan çı İslomi İnğılobi təsisəkə mığəddəsə hərəmədə Yəmən həm daxil bıə holədə,regiyonədə mığoviməti ğıvvon mıstəğilə şikilədə və ıştə intereson çərçivədə hərəkət kardeyış bəyon karde və voteşe ki,İron İslom Respublikə bəvon əmr nıdoyış bəyon karde: Mığoviməti qrupon rəftori modelon vey əhəmiyyətine və Livani Hizbullah hozzıədə çı seonist rejimi mığobilədə mandə ğıvvon əhəmiyyətinə i hissəy.

Əy voteşe:Əgər Suriyə və İrağədə mığovimət DAİŞ və terrorizmi vədə bə formə dəşənəbe,ımruj Suriyə və İrağ qıləy fərğinə formədə əbi və əmniyyət bə mığoviməti qrupon əsos tənzim bınəbe,ımruj seonist rejim bəştə divoon məhdud nıəbi və məntəğə co curə vəzyətədə əbi.

Bın çərçivə və kontekstədə Əmir Əmir Əbdullahiyan çı İslomi İnğılobi Ali Məğaminə Rəhbəri strateji rəhbərəti rolış vey xususi zıneşe və voteşe:ın mudrik və tədbirinə rol məntəğədə və regiyonədə mıxtəlifə hukumət və ğeyri-hukumət eksperton tərəfiku etırof bıə.

İroni xarici koon vəzir Huseyn Əmir Əbdullahiyan Ğərbi Asiyə regiyonədə mığoviməti tiy və mehvəri rolu dığğət kardə holəd,çe mığoviməti cəbhə muhiti zıney və mıxtəlifə bə beynəlxalğə aktyoron vəzyəti izohi vocibəti işorə kardə holədə voteşe: mığoviməti rol ifo kardedə,dınyo şoyde ki,7 oktyabr əməliyyotədə işğalçiyə rejimi siyosi əmniyyət struktur və çəy psixoloji vəzyyət fəğət de ozodi tələbəkə mığoviməti qrup bıə de HƏMASi təvəssuti volo kardey be.

Əy əlovəş karde:seonist rejim bəştə iminə məğsədi,yəni HƏMAS-i məhf kardey noyil bıəni.Əmir Əbdullahiyani bəyonış karde:Təbiyie ki,İron İslom Respublikə çı israyil rejimi Ğəzzə tuməbıri sıftəku canqi çı həlli roy nıbıey və mığoviməti de zumandəti hərəkət kardeyış bəyon kardə.