Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
Bə Ğərbi Asiyə hodisəon qıləy nəzə
Dəvardə haftədə bə Ğərbi Asiyə hodisəon nəzədə seonist rejmi bə Ğəzzə milləti ələyh canqi dəvom və həmçinin bə seonist rejmi zidd Beynəlxalğə Ədolət Məhkəmədə qıləy məhkəmə bərpo kardey və çı amerkə de inğilistoni bə ico bə Yəməni ələyh həvo həmləon həmməysə muhimmə hodisəonku be.
Bə Ğəzzə tanqə milləti ələyh seonist rejmi canq ijən dəvomış heste.Dəvardə haftə oxoyədə çe Ğəzzə tanqə şəhidon rəğəm bə 24 həzo nəfəri rəse və çı zəxmin bıə kəson ədəd həm bə 60 həzo nəfəri rəse.
Həmonə holədə israyil qıləy holədə ki,bə terroristə əməliyyoton və bə canqi dəvom doydə,demi bə izəmon ın cinoyətkorə rejim bə jurnaliston həm hucum kardedə ta de ın roy vositə ıştə conoyəton pevolo bıey vəy bıqəto.bə israyili rejimi həmləon xoto şəhid bıə jurnaliston ədəd bə 117 nəfəri rəsə ki,çe dıminə dınyo canqi cərəyoni zəmonədə qırd kıştə bıə jurnaliston rəğəmisə ziyode.
Jurnaliston bəzi qıləyniyon ıştə xıyzoni uzvonışon həm çe dasto doə.çe Ğətəri Əlcəzirə kanali Fələstınıjə jurnalist bıə Vayil Dəhdud min cumlə çə jurnalistonku be ki,ıştə xıyzoni uzvonku veyni bə seonist rejmi cinoyəton xoto çe dastoş doə.
Virtual aləmədə pevolo bıə qıləy filmədə ki,çı Vayil Dəhdudi kinə de ğəmi iyən kədəri pur bıə qıləy toni və de şiddətinə bəmey bəştə pı xitobən votedə:babə! tı boəmə bımand ki,ğərəz tı boəmə həni co hiçki mandəni.
seonist rejm de ın həmləon səy kardedə Həmasi hərəkoti təslimko.əmmo hətto işğal bıə əraziyədə həm netanyahu tənğıd əkəyon və çın rejimi sabiğ rəsmiyon bın bovədən ki,Həmasi təslim iyən məhf kardey imkon mevcud ni.
Milodi 1995 iyən 2000-ə soronədə çı seonist rejmi daxili əmniyyət idorə rəyis bıə Ayalon votedə:israyil hiçvaxti çı Ğəzzə canqiku de səbarzə çehrə beşey əzıni.hətto əgər Yəhya Əssinvar həm terror kardey bıbu.hakəs ki,jıqo hisobko Fələstınıjon təslim bəbeyn,nə Fələstınıjon və nə Həmas təslim nibəbeyn…..
Ğərbi Asiyə hodisəonku co muhimmə qıləyni bə seonist rejmi zidd Beynəlxalğə Ədolət Məhkəmədə qıləy məhkəmə bərpo kardey be ki,de Cənubi Afrikə çın cinoyıətkorə rejimiku bə Haağədə Beynəlxalğə Ədolət Məhkəmədə şikoyət kardey be.Cənubi Afrikə çandə haftə bənav de qıləy ərizə tənzim kardey Haağədə çın məhkəmə nəzdədə bə Ğəzzə canqədə genosid iyən tuməbırədə bıə israyili rejimış mıttəhəmış karde.
Bın şikoyətnomədə ki,de 84 səyfə tənzim kardey bıəbe,çe Cənubi Afrikə tərəfiku elon kardey bıəbe ki,israyili “genosidi cinoyəton cəzo doey iyən vəy qətey konvensiyəş” darıştə.
Israyil və Cənubi Afrikə har dıqləyni çın konvensiyə uzvonin ki,Beynəlxalğə Ədolət Məhkəmə səlohiyyətış bənə İMT huğuği orqani həmməysə barzə qıləyni bə ixtilofon rəseyro icozənine.
In mığovilə imzo kardə qırd tərəfon ın ehdəmonışon bəştə ehdə peqətəşone ki,bə genosidi mırtəkib nıbon və de cokəson təvəssuti bə ın genosidi mırtəkib bıey vəy bıqəton və əy bə cəzo bıroson.bın mığovilədə tuməbır bənə komilə təxribi ğəsdi ya iqlə baxşi qıləy milli,etnik,irği iyən məzhəbi irtikobi hərəkəti tərif kardey bıə.
Bə Cənubi Afrikə israyili tərəfiku bə Ğəzzə canqədə genosidi irtikobi xoto doə bıə şikoyəti rəsey iclos pencşambə ruji bərpo be.Cənubi Afrikə nımoyəndə bın məhkəmədə təkidış karde ki,seonist rejim Ğəzzə tanqə canqədə çe Fələstınıjon mığobilədə aparteyidə siyosəti icro kardedə….
