Qeneral Əsədi:Bo dışmeni çoçinəti vardə hərəkəton nəzədə qətə bıə

Xatəmul-Ənbiya(s) Mərkəzi Ğərolqo mıfəttişi mıovin bo de dışmeni ehtımoliyə canqi mıborizə bardero əvoni bə təəccıb vardə hərəkəton nəzədə qətey bıə.

Bə Pars-Tudey doə məlumoti əsos,İron İslom Respublikə Xatəmul-Ənbiya(s) Mərkəzi Ğərolqo mıfəttişi mıovin sərdor Muhəmməd Cəfər Əsədi qıləy sehbətədə bə İroni de amerkə miyono ehtımoliyə ziddiyyəti icod bey iyən məntəğə hodisəonış işorə kardə və izhorış kardə:İroni de amerkə miyono ziddiyyəti icod bey ehtımol heste və fakton həm nışon doydə ki,amerkə bə hiç qıləy əhd-peymoni rioyət kardedəni.çı amerkə məsul şəxson hərəkəton iyən sıxanon qıləy medya cəhətonış heste ki,sıftədə bo nati ğıyməti rost bey navi qəteyro və dıvvom həm boştə ıştən icod kardə canqiku xaric beyro çəyku bəhs kardey beydə.Qeneral Əsədi votəşe:Hərbi bəravurd ıme ki,amerkə bə İroni ələyh çe bə hərbi əməliyyoti dast bığando ya nığando,bə ın tori eqıniyə iyən çəyku xaric bey roş ni.çoko ki,çəmə şəhidə imomi hamyəşone sehyonist rejim həni bənə Ələğso Tufoni bənavi nibəbe və çe amerkə vəzyət həm həni bə İroni hucum kardey bənavi vəzyəti niobəqarde.dınyo çe amerkə həyğətış dərk kardə iyən ısət həm çanədə həm xəbisəti bıko,həni həmonə amerkə ni ki,xeyliyon çəyku tarseydəbin.Xatəmul-Ənbiya(s) Mərkəzi Ğərolqo mıfəttişi mıovin həmçinin çe İroni Silohinə Ğıvvon bə amerkəvıjon harcurnə avanturist iyən nuyə beməxətiyon cəvobi barədə jıqoş votə:Əmə bo harcurnə dışmenə hərəkəton mıborizə bardero hozzımon.Əy,ın nuktəş bəyon kardə ki,bo dışmeni çoçinəti vardə hərəkəton nəzədə qətə bıə və təkidış kardə:çoko ki,aydiyyoti orqanon votəşone bo de dışmeni ehtımoliyə canqi mıborizə bardero əvoni bə təəccıb vardə hərəkəton nəzədə qətey bıə ki,çəvon təsəvvırədə qıləy vırəş ni.