Mıcohidə şəhidə imomi vido, təşşi iyən dəkande mərosimi kırtə nuktəon elon bə
Bə Pars Tudey xəbəron əsosi mıcohidə şəhidə imomi xuninə oroci qiromi qəte ğərorqoh şanbə ruji elonış kardə şiə ali ğədrə mərcə,islomiyə inğilobi alimə rəhbəri və həğ iyən mığavimət cəhbə pərçəmdar, şəhidə mıcahidə imom Həzrət Ayətullah uzma seyd Əli Huseyni Xameneyi xuninə oroci bəpeştə islom dınyo qıləy yolə merdi şəhodəti matəmədə nıştəy ki ıştə bərəkətinə umri sərosərış həğği kəlimə bəpe barde, islomo mıdofiə karde, bə millət xıdmət və islomi omməti hidoyət karde roədə dəvoniyəşe.
Ə şəhidə rəhbər de zumandə imon, xolisə mıcohidət,zumandə səbr və ilahiyə bəsirət və aqahəti, həmmişə ironi istiğlali pərçəm iyən islomiyə omməti hidayət və izzəti pərçəmış rost karde ,devrani ə yeqanə şəxsiyyəti nom və yod əzizə ironi tarix, islom dınyo və aləmi azadəon dılədə əbədi bəmande.Mıcahidə şəhidə imom Həzrət Ayətullah uzma Xameneyi xuninə oroci qiromi qəteyu bıə ğərorqoh bə Həzrət Vəliyye əsr(ə) ,inğilobi yolə rəhbəri Həzrət Ayətullah seyd muctəba Xameneyi və həmmə ozodə milləton və bə həğği ro dıl bastə kəson məhzəri təsliyət voteədə , ve nığıl ıştə təşəkkuri iyən ğədrdonəti ironi məbus bıə vəfodorə milləti əzəmətinə huzuriku iyən bə islom və inğilobı həmmə dıl doə kəsonku ıştə nığılə ğədrdonəti elon kardedə.Bə ım ğərorqoh nakonə eloni əsosi və bə təşkil bə bərnamon dığğət doe əsosi bə həmmə şərofətin və əzadarə milləti elon kardəmon ə mıcahidə şəhidə imomi vido, təşşi və dəkande mərosim iyən çəy ailə uzvon əzizə şəhidon Mesbahul Huda Bağıri Kəni,Seyyedə Buşra Huseyni Xameneyi, Zəhra Həddad Adil və Zəhra Muhəmmədi Qolpayeqani rizvanullah ələyhem əcməin jıqo bərpo bəbe,Şanbə tir manqi 13 və 1 şanbə tir manqi 14 bərobər de məhərrəmə manqi 19 və 20 nə rujon de şəhidə imomi pokə cənacə vido karde mərosim tehronədə mərhum İmom Xomeyni musəllaədə və tir manqi 15 minnə ruji bərobər de məhərrəmə manqi 21 minnə ruji təşşi karde mərosim tehronədə bərpo bəbe.3 şanbə həşi 1405 nə sori tir manqi 16 minnə ruji (məhərəmə manqi 22) təşşi karde mərosim Ğomı mığəddəsə şəhrədə , 5 şanbə həşi 1405 nə sori tir manqi 18 minnə ruji (məhərrəmə manqi 24 nə ruji) və İmom Səccad(ə) şəhodətə şəvi təşşi karde mərosim mığəddəsə Məşhəd şəhrədə və dəkande mərosim İmom Rıza(ə) pokə hərəmədə əncom bəbe.-İroni həmmə şərofətin və əzizə millət, dınyo azadəon, bə islom məktəbi dıl doə kəsonku dəvət bedə ım mərosimədə dıştə əzəmətinə iştiroki ə şəhidə rəhbəri bə ro dəğandon.
