De Ğəzzə ruji mınosibəti
De Ğəzzə ruji mınosibəti
De Ğəzzə ruji mınosibəti
İroni ruj aşmademoni təğvimədə Hicri-Şəmsi sori dey manqi 29-ə ruj(milodi 19-ə ruj)de Ğəzzə milli ruji nomi ğeyd kardey beydə.sehyonist rejim milodi 2008-ə sori dekabrə manqi 27-ə ruji de qıləy ğeyri insoni iyən vəhşiyə həmlə vositə,Ğəzzə tanqəş ıştə canqi təyyorəon həmləon hədəfış ğərol doe və de tobə yanvarə manqi 17-ə ruji dəvomış doe.ın canq israyilədə de “ov kardə bıə sılfi” əməliyyoti nomi və çe fələstınıjon miyono de Ğəzzə ğətlı-am iyən 22 rujnə canqi nomi bə yod dənoey beydə.bın nobərobərə canqədə 1450-sə ziyodə fələstınıj bə şəhodəti məğami rəsin və təğribən 5 həzo nəfər həm zəxmin bin.sehyonist rejim 22 rujnə canqi beəmonə həmləon cərəyonədə çe Ğəzzə tanqə ziyodə binon,bimorxonəon,məktəbon,məçiton,infrastrukturon klinikon,iyən təsisoton xərob kardey be.bın mıhoribədə bo iminə kərə sehyonist rejim deştə qırd hərbi ğıvvon iyən de amerkə humiyəton İslomi Mığovimət Hərəkot bıə Həmasi komilə surətədə məhf kardey dumo be və Həmasi həm nışon doe ki,çı səyku bə po de silohi təchiz bıə sehyonist rejimi mığobilədə mandey iyən mığovimət nışon doey ğudrətış hestу..
pesoxtə bıə israyili rejim ijən milodi 2014-ə sori bə Ğəzzə tanqə ələyh hevujə şikilədə həmləonış bino karde ki,ım canq həm vey hevuj iyən həmən vey dıroz dəkəşe.yəni çe sehyonit rejimi ın hevujə həmləon 51 ruj dəvomış pəydu karde ki.çımi nəticədə 2158 qılə fələstınıjə şəhrvand şəhid be və 11 həzosə ziyodə fələstınıj həm zəxmin və yarəjə bin və həmçinin çe Ğəzzə tanqə ziyodə binon iyən infrastrukturon xərob və bo milləti jimoniro şərayit vey saxt be.əmmo Fələstıni millət de İslomi Mığovimət Hərəkot bıə Həmasi komilə surətədə himoyə və çın ğəsbkorə rejimi həmləon vədə mığovimət nışon dioey,ın rejimışon məcbur karde ta otəşvəsi ğəbulko.Ğəzzə canqi bo sehyonist rejimi iştimoyi,ixtisodi iyən hərbi cəhətonədə bıə nəticəon qıləy həddədə ziyod be ki,de canqi bə oxo rəsey,çe pesoxtə bıə israyili rejimi kabineti dılədə qıləy siyosi behron bə əməl ome və çın rejimi çandə da qılə rəsmi şəxson ıştə postiku istefoşon doe.
İslomi Mığovimət Hərəkot bıə Həmasi çe har qıləy təcavuzi bədiqə de sehyonist rejimi təcavuzon mıborizə bardeyədə ıştə təcrubəonku oko doə holədə bəsə navnəsə həm ziyod hozzı beydəbe.Ğəzzə tanqəku bə diyəro işğal bıə əraziyonədə şəhron,sənaye iyən hərbi mərkəzon hədəf ğərol doey,bə sehyonsit rejimi nışonış doe ki,fələstınıjə mıborizon bə qıləy zu iyən ğudrəti dastışon pəydu kardə ki,həni har qıləy zəmon ki,sehyoniston irodəkon əvon Ğəzzə tanqə bombardımon kardey nibəzıneyn.çıro ki, bın zəmon əvon de İslomi Mığoviməti Hərəkoti zumandə cəvobi dimbədim bomen....
Ğəzzə tanqədə İslomi Mığoviməti Hərəkoti mığobilədə sehyonist rejimi dumo yənde bıə dəboxtey bədiqə,təsəvvır beydəbe ki,de Ğəzzə tanqə hartərəfinə mıhosirə bın məntəğədə sakin bıə dı milyonisə ziyodə fələstınıjon irofə iyən mığovimət darıştey bəzneyn.
