Amerkə iyən Britaniyə bə Səna həvo və raket hucumon
Seşambə şəvi sıbi zəmonədə xəbə mənbəon AİŞ və Yolə Britaniyə bə Yəməni poytaxt Səna və bə kişfəri co məntəğəon ijən həvo və raket hucumon təşkil kardeyku xəbəşon doə
Amerkə iyən Britaniyə bə Səna həvo və raket hucumon -seşambə şəvi sıbi zəmonədə xəbə mənbəon AİŞ və Yolə Britaniyə bə Yəməni poytaxt Səna və bə kişfəri co məntəğəon ijən həvo və raket hucumon təşkil kardeyku xəbəşon doə.bə İRNA-məlumoti əsos;Əl-Səbayin şəhrədə Əl-Həfa bazə və Səna əyalətədə vağe bıə Bəni əl-Haris şəhrədə Əl-Dilami bazəon çokərə çı AİŞ və Britaniyə həvo həmlə hədəfədə bıə.votey beydə;Yəməni cənub-ğərbədə bıə Tayiz əyolətədə vağe bıə Moğbnə şəhri Əl-Bərh məntəğə həm çı Amerkə iyən Britaniyə hərbiçiyon tərəfiku hədəf qətey bıə.Amerkə rəsmiyonku qıləyni bə Ğətəri Əl-Cəzirə şəbəkə doə musahibədə iddioş kardə Yəmənədə bombardmon bıə hədəfon ballistik raket platforməon,bepilotə təyyorəon və sursat anboonin.çəy nom kəşey nıbə ım məmuri votəşe:Hucumon de canqi təyyorəon və raketon təvəssuti bə jimon dəvordınə bıə və bə Yəməni zidd ın devrə hucumon hevujə şikilədə bıə.AİŞ və Britaniyə bə Səna həvo və raket hucumon bə zəmoni təsaduf kardedə ki,Yəməni Ənsarullah Hərəkoti siyosi ofisi uzv bıə Məhəmməd Əl-Bəxiti seşambə şəvi bə ın devrə hucumon cəvob doey barədə votəşe ki,bə AİŞ və çəy mıttəfiğon hərbi təcavuzi xoto,Yəməni silohinə ğıvvon bə seonist rejimi ələyh hucumon dəvom bəkarde.Yəməni Ali Siyosi Şurə uzv Məhəmməd Əli əl-Husi həm votəşe :AİŞ və İngilistoni bəştə bə Yəməni təcavuz kardey məğsədi, yəni çe dıyo əməliyyaton oqətey məğsədi nibərəse.İMT Əminiyyət Şurə ğətnomə bədiqə AİŞ və Yolə Britaniya yanvarə manqi 21-ə sıbi zəmonədə bə Yəməni Ənsarullah mevğeyon hucum kardəşone.ın hucumon çə Yəməni ləşkəri Ğəzzə tanqədə de Fələstini milləti mığoviməti dastəki məğsədi dəvardə haftəonədə Sıə dıyo və Bab əl-Məndəbi tanqəda bə işğal bıə əraziuon şıə bəzi seonistə kəştiyon bə hədəf qətey bədiqə bino bıə.Yəməni ləşkəri ğıvvon israyili rejimi tosə bə Ğəzzə hucumon oqətry bə çın rejimi kəştiyon və ya Sıə dıyoədə bə işğal bıə əraziyon şıə kəştiyon hucumon dəvom doey sıxanışon doə.Yəməni ləşkəri ğıvvon bə Ədəni korfəz və Sıə dıyoədə çı naviqasiyə bo co kəştiyon bepul bıey və tam əmniyyətiku istifodə kardey təkid kardəşone.
