Belçika Numoyəndon Palata bə Azərboyconi əleyh ğətnomə ğəbulış kardə

İyuli 17-də Brusselədə Belçika Numoyəndon Palata bə Azərboyconi əleyh ğətnomə ğəbul kardəşe.

Belçika Numoyəndon Palata bə Azərboyconi əleyh ğətnomə ğəbulış kardə

İyuli 17-də Brusselədə Belçika Numoyəndon Palata bə Azərboyconi əleyh ğətnomə ğəbul kardəşe.

Ğətnomədə bə Azərboycon hokuməti vəynə sanksiyon tətbiğ və holiədə Bokuədə qətə erməni əsilinə xonəxon ozod karde tələb bedə.Sənədədə Azərboyconi “Ğaraboğ və bə çəy erməni əhali vəynə hərəkəton” beynəlxalq huğuğon əsos norma və prinsipon zidd be ğeyd bedə. Həmçinin, rəsmi Boku bə nav doə “Bə Ğərbi Azərboycon oqarde” konsepsiya məhkum bə və ın təşəbbusi məntəğədə bə sobit sulhi təhdid be votə bedə.Azərboyconi tərəfi ın konsepsiya bənə humanitar və huğuği məsələ təğdim kardə və bəyon kardə ki, ım, Erməniston əraziku 1988–1991-minə soronədə kuç kardə azərboyconovojon bə ıştə dədə-bobo zəminon de sulh ro oqardeye. Rəsmi Boku ın təşəbbusi hiç qılı ərazi iddio nıbe bəyon kardə.Ğətnomədə həmən holiədə Bokuədə məhkəmə dəvom kardə Ğaraboğ rəhbəron ədolətinə məhkəmə təmin karde vanği vırəş sə. 2023-minə sori sentyabrədə Azərboyconi Ğaraboğədə dəvonə lokal əməliyyati nəticədə – Arayik Harutyunyan, Bako Sahakyan, Arkadi Qukasyan, Davit Babayan, Davit İşxanyan və əlidə vəzifəninə xonəxon dastqir kardə bən. Əvon de muharibə cinoyəton, tuməbır, deportasiya, odəm kışte və de əlidə qonə maddon ittihom bedən. 2024-minə sori yanvarədə çəvon Boku Hərbi Məhkəmədə məhkəmə proses bino bə. Ğətnomədə bə Avropa İttifoğe ovardə bedə ki, qirəm Boku bə sulh prosesi ciddi dənıçko, de Azərboyconi munasibəton ikərən nəzəku dəvonon.Azərboycon rəsmiyon bə ğətnomə munasibət zınə bedə ni.