De cinayətkarə sionist rejimi mubarizə bardeyku İroni xarıci vəziri təclil

İroni xarici koon vəzir Fələstinı islamiyə cihad hərəkati muhimə roliku Fələstinı milləti həxiku mudafiə karde iyən cinayətkarə sionist rejimi mubarizə xoto təclilış karde.

Bə İRAN PRESS aqentəti xəbon əsosi İroni xarici koon vəzir Huseyn Əmir Əbdullahiyan de Fələstinı islamiyə cihad hərəkati yol Ziyad Nəxalə və dəy həmro bə heyəti vindımonədə Fələstinı mığavimət rəhbəron bə Tehron səfər kardeş Ğudsı beynəlxalğə ruji astanədə məntəğə və dınyoədə qıləy muhimmə mesajış zınə və de yəğini votışe: ımsornə sori Ğudsı beynəlxalğə ruj dınyo ozodə milləton tərəfo ve əzəmətin bərpo iyən qirami qətə bəbe.