İroni barzə rutbəynə diplomaton Omanədə de Yəməni rəsmi şəxson kardə məsləhəton

İroni xarici koon vəzir çı Omani poytaxt Məsğətədə de Yəməni Milli Nicot Hukuməti rəsmi şəxson məsləhətonış kardə.bə İRNA doə məlumoti əsos,İroni xarici koon vəzir Huseyn Əmir Əbdullahiyan çı Omani poytaxt Məsğətədə de Yəməni Milli Nicot Hukuməti sər muzokirəəkə Məhəmməd Əbdul Səlomi dido iyən mıxtəlifə mevzuon həxədə,ə cumlə regional və beynəlxalğə məsələon sahədə muzokirə kardəşe.

İroni xarici koon vəzir zinə işambə ruji maştəvoni de Omani barzə rutbəynə rəsmilyon vindemon və məsləhəton bardero bə Omani poytaxt Məsğət şəhri səfəş kardə.bo dı tərəfi interesinə məsələon,de çəvon miyono həmkoəti inkişofı anqıl məsələon,ticorət mubadiləon ziyod kardey sahədə,xususən həm çəvon miyono həmkoəti inkişofı anqıl məsələhəton muzakirə kardəşone.

إın səfə zəmonədə İroni xarici koon vəziri de Omani səlohiyyətinə şəxson votemonon əsos məğamon həm daxil bıə holədə,həmməysə muhimmə regional və beynəlxalğə məsələon bəyon bıə.İroni xarici koon vəzir Huseyn Əmir Əbdullahiyan çı Omani poytaxt Məsğətədə de Yəməni Milli Nicot Hukuməti barzə muzokirəəkə nımoyəndə Məhəmməd Əbdul Səlomi vindemonədə çı İron İslom Respublikə Yəmənədə bə sulhi mızokirə prosesi dastək doeyış bəyon kardə.

AİŞ və Yolə Britaniyə bə Yəməni hucumon çın kişfəri suverenəti darışteye və Yəməni Milli Nicot Hukuməti de qenosidəkə seonist rejimi de İron İslom Respublikə Suriyədə bıə səfirəti konsuləti şebə terror akti əloğədor,bə İroni ıştə rəğbəti ifodə iyən həmrayəti izhor kardəşe.Huseyn Əmir Əbdullahiyani əlovəş karde ki,hiç qıləy şubhə ni ki, İron İslom Respublikə ıştə ğanuni tədbiron və beynəlxalğə huğuği səviyyə çərçivədə zınə bıə huğuğonku istifodə kardey kəno,bə cinoyətkor iyən  təcavuzkoron cəvob bədoe iyən əvoni bə  cəzo bərosne.