Rusiyə və Suriyə xarıci vəziron miyono telefoniyə votımon.

Suriyə xarıci vazir de Rusiyə xarıci vəzir telefoniyə rabitə cərəyonədə i bıə milləton təşkilati Əmniyyət Şuradə Rusiyə tərəfiku bə Suriyə əleyh hozzo bıə ğətnomə loyhə veto karde hərəkəti qıləy çokə siyasət və çı Rusiyə mınosibə vindemon hisobış kardə.

Bə Əlaləm raporti əsos Suriyə xarıci vəzir Vəlid Moəllim de Serqey Lavrof votımoni cərəyonədə bə Suriyə təcavoz kardeku çı ğərbiyə kişvəron bevəcə siyasəton ijən dəvom peydo karde işorəş kardə və votışe: Rusiyə tərəfiku veto həxi istifodə bey ijən bə Suriyə əleyh hozzo bıə loyhə və ğətnoməon ləğv karde vey çokə zəmonədə bə vıcud omə ijən çı dışmənon bevəcə planon xonsaş kardə.

Vəlid Moəllim ijən Amerkə bə Suriyə zidd hərbiyə bombardemoni qıləy hədəfonış Suriyədə sulh muzakirəon cərəyoni mıtəvəğif karde zınəş bıə.

Lavrof həm həminə votımonədə ujnən bə Suriyə bohrani siyasi və muzakirə cəhətiku həl karde təkidış karde və votışe: Rusiyə həmişə və bə deşmənon bevəcə planon əleyh Suriyə dıvlətiku himoyə bəkay.

3 ruj çimiku bənav ujnən bə Suriyə himoyə karde xoto Rusiyə çı Əmniyyət Şura ğətnoməonış ləğv kardə.

Amerkə hərbiyə ğıvvon de həminə bəhonə və iddio ki Suriyə hərbiyə ğıvvon Suriyə Şimal Ğərbədə Xan Şeyxon məntəğədə kimyabiyə silohonku istifodəş kardə, Aprili 8 ədə bə Suriyə Homs şəhri Əlşoirat hərbiyə baza rəkıtiyə hucumışon kardə.