Beynəlxalğə Atom Enerji Aqentəti sər direktori təbrikə mesaj

Beynəlxalğə Atom Enerji Aqentəti sər direktori təbrikə mesaj

Beynəlxalğə Atom Enerji Aqentəti sər direktor bənə İroni səçın kardə bıə prezdenti unvoni bə Məsud Pezeşkiyani təbrikə məktub vığandə holədə,deəy dido kardeyro ıştə hozzıətiş elon kardə.bə İRNA doə məlumoti əsos,Rafael Qrossi bə Məsud Pezeşkiyani təbrikə məktub vığandə holədə votəşe:əv,rəyrə bo bə İron səfə kardey iyən de İroni milləti vıjniyə prezdenti vindemon və votemon kardero hozzıe.Beynəlxalğə Atom Enerji Aqentəti sər direktori əlovəş kardə:Atom Enerji sahədə Beynəlxalğə Aqentəti və İroni miyono həmkoəti dırozə mıddəte ki,çe beynəlxalğə iştimoiyyəti dığğəti mərkəzədəy və əv,peştıpure ki,əmə bə ico səy kardə holədə bın muhimmə məsələdə ğətiyə navşemon bə dast vardey bəzınemon.

Beynəlxalğə Atom Enerji Aqentəti sər direktor çımi bənav votəşbe:Mı hisob kardedəm ki,əmə bə diplomatiyə oqardəninimon.çəmə bə jimon dəvordənin bıə hartərəfinə mıştərəkə fəoliyyəti planımon(JCPOA) heste ki,bəpe icro bıbu.

İron iyən Beynəlxalğə Atom Enerji Aqentəti 2023-ə sori martədə dı tərəfi miyono mandə de qırd məsələon həlli məğsədi bə roziyəti omən.peşo marti 4-ədə bənə mıştərəkə bəyonot zıney bıə və bımi əsosən bıə saziş İron İslom Respublikə deştə dıli xoşi de Aqentəti mufəttişon veyə osə ğandey və monitorinqi fəoliyyəti əloğədor,Məclisi strateji ğanuni(Strateji Fəoliyyət Ğanuni) çərçivədə Sanksiyon peqətey və bo İroni Milləti İntereson Mıdofiyəro) bə roziyəti omin.çımi bədiqə eksperton səviyyədə çandə qılə vindemon bıə iyən İroni de Aqentəti miyono çandə qılə texniki məsələon həll bin.