İroni Xarici Koon Vəzirəti sıxanəvot:Terror çe seonist rejimi mahiyyəte

İroni Xarici Koon Vəzirəti sıxanəvot:Terror çe seonist rejimi mahiyyəte

İroni Xarici Koon Vəzirəti sıxanəvoti bəyonış kardə ki,seonist rejimi binovrə terrore və çəy jimon devlətə terrorizmi nəzə dəvom kardyku bəşıkrəy.bə İRNA doə məlumuti əsos,İroni Xarici Koon Vəzirəti sıxanəvot Nasir Kənani Çafi dışambə rujibərpo kardə haftəynə mətbuat konfransədə çe Fələstin İslomi Mığovimət Hərəkot(HƏMAS) siyosi ofisi rəhbəri İsmoyli Həniyyə kışteyış məhkum kardə və əlovəş kardə ki,ın cur terrorə akton nəyinki norohatəkəy,ım mığovimət nışon doə Fələstini milləti bə seonist rejimi ələyh mıborizə və Şəifə Ğudsi ozod kardey irodə və əzmi ciddi kardedə.Kənani Çafi çe seonist rejimi bə Fələstini milləti ali siyosi lideri İron İslom Respublikadə rəsmi mehmon bıə zəmonədə Tehronədə bənə nomərdi  şəhid kardey,bə beynəlxalğə huğuğ və beynəlxalğə ğanunon,bənə hoziyə şikilədə darışteye.

İroni Xarici Koon Vəzirəti sıxanəvoti bəyonış kardə ki, İslom Respublikə beşubhə ıştə milli əmniyyəti,suverenəti və ərazi təmomiyyəti mıdofiyə kardey həx hisob kardedə və

və əlovə kardə:İclosi təğib həm daxil bıə holədə siyosi və diplomatikə tədbiron çe İMT Əmniyyət Şura fevğəladə iclos,de bənə Rusiyə,Çin və Əlcəzayiri bıə dustə kişfəron həmkoəti bərpo bıə.Kənani Çafi bəyonış kardə ki,İslom Həmkoəti Təşkiloti iclosi Ciddədə dəvordıney tələbışon rost kardə və ın,təsdığ kardey bıə və çın onemoni iclos çoşənbə ruji,avqusti 7-ədə xarici koon vəziron səviyyədə bərpo bəbe