Huseyniyə(ə) Ərbəyini səbəsəloməti,İslomi İron matəmi dılədəy

Huseyniyə(ə) Ərbəyini səbəsəloməti,İslomi İron matəmi dılədəy

Huseyniyə(ə) Ərbəyini səbəsəloməti,İslomi İron matəmi dılədəy

İslomi İron çe İmom Huseyni(ə) və çəy bəfodorə səhobəon şəhodəti 40-ə ruj bıə Huseyniyə(ə) Ərbəyini (ə) əzodorətiyədə ğərğe.ım ruj(işambə),Hicri-Ğəməri 1446-ə sori Səfə manqi 20 (avqusti 25-2024) çe dınyo şiəyon seminə imom Həzrət İmom Huseyni(ə) və çəy bəfodorə səhobəon Kərbəlo səhroədə şəhodəti Ərbəyine.Dınyo har vırəku,ə cumlə İron İslom Respublikəku çandə milyon zəvvor ım ruj Huseyniyə(ə)Ərbəyini mərosimədə iştirok kardero bə İraği cənubədə bıə Kərbəlo şəhri daxil bıən.Həzrət İmom Huseyn(ə) və çəy bəfodorə səhobəon Hicri 61-ə sori Məhərrəmə manqi 10-ə ruji Kərbəloədə şəhid bıən.

Həzrət İmom Huseyn(ə) Məkkəku bə Kərbəlo şıə royədə,çe Kərbəlo vağiyə iyən hodisə təsvir kardə və ıştə şəhodəti zəmonədə oşkoə şikilədə jıqoşon bəyon kardə:“Hərəkotiku məğsəd çe Yezidi bə İslomi əleyh bıə hukuməti ifşo kardey,əmr be məruf iyən nəhy əz munkəri bərpo kardey,bə zılm iyən sıtəmko ələyh mandey iyən ğərəz Kərimə-Ğıroni himoyə və xolisə Məhəmmədi İslomi dini bəyji kardey co qıləy hədəf və məğsədım ni”.İslomi İroni xalğ bənə İmom Huseyni(ə) Tasua iyən Aşura şəvi çe şəhodəti 40-ə şəvi və ruji kuçə və ojə vıronədə iştirok kardə holədə matəm dəvordıneydən və de əzodorəti koy məşğul beydən.Huseyniyə(ə) Ərbəyini şəv iyən ruji çe İmom Huseyni(ə) şəxsiyyət və məğami həxədə sıxan votey,nohə handey iyən zəncir jey,çe İslomi İroni mumin iyən Huseyniyə milləti muhimmə proqramonkuye.İron İslom Respublikə Rədyo və Televiziya həm de Huseyniyə(ə) Ərbəyini damey mınosibəti bə həmmə mısılmınon,xususən bə dınyo şiəyon və bə dınyo digər ozodi piyə kəson təsliyyət votedə.