İronıjə diplomat:İroni bə seoniston cinoyəti doə cəvob ğətiye
İroni Livanədə bıə səfiri təkidış kardə ki,Tehron çe Fələstini İslomi Mığovimət Hərəkoti (HƏMAS) siyosi buro rəhbər şəhid İsmoyl Həniyyə terrori cəvob ğətiye
İronıjə diplomat:İroni bə seoniston cinoyəti doə cəvob ğətiye
İroni Livanədə bıə səfiri təkidış kardə ki,Tehron çe Fələstini İslomi Mığovimət Hərəkoti (HƏMAS) siyosi buro rəhbər şəhid İsmoyl Həniyyə terrori cəvob ğətiye.HƏMAS hərəkoti siyosi ofisi rəhbər bıə İsmoyl Həniyyə və çəy mıhofizəçiyonku qıləyni çoşanbə,iyuli 31-ə ruji sıbi zəmonədə Tehronədə bə əməl omə terror akti nəticədə şəhid bıə.bə İroni Tələbə Xəbə Aqentəti (İSNA) doə məlumoti əsos,İroni Livanədə bıə səfir Mıctəbo Əmani əlovə karde:Livani mediya bə seonist rejimi təcavuzi co-co cəvob doey anqıl çe mığoviməti strategiyaş təşviğ kardə və həmçinin votəşe ki,çe İroni bə seoniston cinoyəton cəvob ğətiye və çəy zəmon çe İron İslom Respublikə hərbi ğıvvon ixtiyorədəy.
İron İslom Respublikə bə sehyoniston nomərdə formədə şəhid İsmoyl Həniyyə terror kardey koy işorə kardə holədə elonış karde ki,ın hodisə çe viro nibebəşe və çe şəhid Həniyyə xuni intiğomi ğəti beyış bəyon kardə.qenosidəkə sehyonist rejim de AİŞ və bəzi ğərbi kişfəron tam dastəqi Ğəzzə tanqədə və bə İordan ru ğərb sahilədə bemıdofiyə və məzlumə Fələstini milləti ələyh kutləvi ğətlı-amış bino kardə ki,de beynəlxalğə iştimoiyyəti şiddətinə tənğıdon bə ico,əmmo ın rejim çe ğərbi tərəfiku ijən himoyə kardey beydə.
