AİŞ prezdenti bə İroni əleyh bəyonoton realəti cəsorətinə təhrife

Tehroni cımə nımoji xətib:AİŞ prezdenti bə İroni əleyh bəyonoton realəti cəsorətinə təhrife;Ğəzzədə qenosid de Amerkə silohon bə həyot dəvordıney beydə.

Tehroni cımə nımoji xətib:AİŞ prezdenti bə İroni əleyh bəyonoton realəti cəsorətinə təhrife;Ğəzzədə qenosid de Amerkə silohon bə həyot dəvordıney beydə.

Tehroni cımə nımoji imom çe Donald Trampi İroni bo reqiyoniro bənə təhlukə nışon doey Ğəzzə tanqədə bo seonist rejimi cinoyəton pardə beyış bəyon kardə və əlovəş kardə:AİŞ prezdenti məntəgədə bıə bəyonoton həyğəton iyən realəti cəsorətinə təhrif kardey və ojə-oşkoə faktone.

Pars Tudey bə İRNA istinodən doə məlumoti əsos,Huccətulislom-Vəlmuslimin Seyd Məhəmməd Həsən Əbuturabifərd zinə Tehroni Unversitetədə cımə dini-siyosi nımojədə çe AİŞ prezdent Donald Trampi bə məntəğə bıə səfə və de İroni anqıl sıxanon barədə votəşe:“Oxonə rujonədə bə reqiyoni de marketinq,moliyyə təmini və bo seonist rejimi dəhşətinə cinoyəton puşniye məğsədi səfə kardə Trampi barədə votəşe ki,əqər mı çəy əvomonə, səthi və bemonə hissəku dəvardom,çəy realəti və oşkoə fakton de cəsorəti təhrif kardə co qılə səviyyəş heste”.

Tehroni cımə nımoji imomi təkidış kardə:Məhz ə vaxt qıləy şərayitədə ki,seonist rejim ıştə siyo və çırkinə dimi niməş nışon doe və de Ğərbi,xususən həm de Amerkə himoyə həmməysə fociyəvi ğətlı-am iyən və mıstəmləkə qenosidi mırtəkib be və Ərəbi- İslomi kişfəron Suriya iyən Livanış de hərbi roy vositə işğalış karde və Livan,Suriyə və Yəməni sərzəminon milli suverenəti iyən hakmiyyəti darıştə holədə,əyo de terroristə hərəkəton iyən canqi cinoyəton məşğul beydə və de behəyoə formə İroni bənə reqiyonalə əmniyyəti təhdidi bə ğələm doydə”.

Tehroni cımə nımoji mıvəğğəti imom bə İroni İslomi mərdumi ixtiyor,dastək və vəhdəti mənbə bey təkidış kardə və votəşe:İron çe Amerkə cinoyəton vədə həmməysə dıjdə maneyəy.