Amerkə ğəror bekardə kəson mənəvi tənəzzul ijən oşko bıə
Bəğayi: Ğəzzədə de qenosidi oqətey anqıl ğətnomə veto noey, Amerkə ğəror bekardə kəson mənəvi tənəzzuli nışonəy.
İroni Xarici Koon Vəzirəti sıxanəvot İsmoyl Bəğayi İMT Əmniyyət Şura dərhol otəşvəs və Ğəzzədə tuməbıri bə oxo rosney tələb kardə ğətnomə ğəbul nıkardey cəvobən,çe AİŞ hukuməti ın ğətnomə ğəbul kardey navi qətey istiğomətədə bıə fəoliyyətış,bənə çəy bın cinoyətonədə bıə iştiroki dəvomiş zınə və əvış de şiddəti tənğıdış kardə. Pars Tudey bə İRNA istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi çın ğətnomə şura 15 qılə uzviku 14-qılə uzvi tərəfiku dastək doey və fəğət AİŞ-on bə çımi ələyh beşey işorə kardə holədə votəşe: Bo seonist rejimi məcbur kardero bə təklif kardə bıə ğətnomə veto noey,nəyinki,çe AİŞ-on bə Dınyo İştimioyyəti iyən çe sehyonist rejimi cinoyəton bə oxo rosney tələb kardə bə məntəğə mərdumi ələyh qıləy qəv şat kardeye, bəlkəm Amerkə ğəror bekardə kəson mənəvi tənəzzuli nışonə və çəvon işğal bıə Fələstinədə ğətlı-am və hırdən kışteyədə bıə iştiroki subute”.
AİŞ-on çı İMT Əmniyyət Şura bo seonist rejimi bə məsuliyyət cəlb kardero bıə har qıləy ciddiyə qəmi navi qətey dırozə torıxi bə yod vardə Bəğayi əlovəş kardə:“Oxonə çandə da soronədə AİŞ hukumət bə beynəlxalğə iştimoiyyəti ğanunon icro və beynəlxalğə huğuği hoziyə şikilədə darıştey navi qətey tələbi ələyh beşə holədə,bo sehyonist rejimi becəzo mandero bə Əmniyyət Şura ğətnoməon 50 dəfəsə ziyodə vetoş noə”.ım,şubhə ni ki, çe sehyonist rejimi mıstəmləkə işğali və qenosidi dəvom doə əsosə amilonku qıləyniye və AİŞ çe sehyonist rejimi cinoyətonədə bə isə şərike.
İroni Xarici Koon Vəzirəti sıxanəvot de sehyonist rejimi hərbi cinoyəton və tuməbıri mubarizədə həmmə devləton və beynəlxalğə təşkiloton məsuliyyətış bə yod dənoə və çı kişfəron,xususən həm reqiyonal və çı İslomi məmləkəton qırd fərdi və kollektivə imkononku istifodə kardə holədə,seonist rejim və çəy həvodoron Ğəzzədə ğətlı-ami oqətey və çe sehyonist rejimi bo dınyo iyən reqiyoni sulh və əmniyyətiro bıə təhdidi ələyh mandeyış vanq jeyə.
