Mulki şəxson çe İroni ğandə rəketon hədəf nin

sehyonist rejimi sabiğ əmniyyəti vəziri etırof:mulki şəxson çe İroni ğandə rəketon hədəf nin

sehyonist rejimi sabiğ əmniyyəti rəsmiyonku qıləyni çın rejimi 12-ə tv kanali debatədə etırofış kardə ki,İroni Silohinə Ğıvvon deştə rəketinə cəvobon səy kardedən bə hərbi obeykton ziyon daxil bıkon və ğeyri-hərbi şəxson çəvon kardə hucumon hədəfonku nin.

Bə Pars-Tudey bə İRNA istinodən doə xəbə əsos,sehyonist rejimi 12-ə tv kanali elonış kardə ki,çın rejimi “israyil 8200” vohidi sabiğ komandan Asəf Kuheni qıləy tele-debatədə kardə sıxani skandalış bə əməlış varde.Kuheni çı sehyonsit rejimi12-ə tv kanali debatədə etırofış kardə ki,İron cəhd kardedə bə cəmyəti mərkəzon iyən bə mulki şəxson bıə vıron hucum nıko və fəğət bə çın rejimi hərbi obyekton həmlə kardedə.bə Kuheni sıxani əsos,deməkə ki, sehyonist rejim İroni bənə qıləy şərə mevcudi təğdım kardedə,əmmo çın kişfəri mərdum zumandin.

Əy,həmçinin elonış kardə ki,İroni Silohinə Ğıvvon bə sehyonist rejimi bəçəvon sərzəmini həmlə cəvobədə,çın rejimi işğal bıə əraziyonədə fəğət əmniyyəti strukturon və hərbi bazəon hədəf ğərol doydən.demi həm,çe Kuheni ın sıxanon bə İroni zidd bıə sosyal şəbəkə iştirokçiyon iyən radikalə fərdon tındə reaksiyə səbəb bıə.ım qıləy holədəy ki,sehyonsit rejim haft ruji mıddətədə de İroni nuvə obyekton təvovuzkoronə bombardımon kardey bəhonə, mulki obyekton,min cumlə noxəşxonəon,əlilə odəmon jiyə mərkəz və mulki şəxson jiyə binon hədəf qəteydən ki,ım həm bə ziyodə rəğəmədə bıə İronıjə jenon iyən hırdənon şəhid bey boyis bıə.

İroni bə işğal bıə sərzəminonədə bıə noxəşxonəon hucum kardey barədə cəncolinə sıxanon bədiqə,İroni Xarici Koon Vəzir Seyd Əbbosid İrağçi elonış kardə:Çəmə zumandə Silohinə Ğıvvon de dığəti çe israyili hərbi komandoəti,nəzorət iyən kəşfiyyoti ğərolqo iyən co qıləy həyoti hədəfonış çe miyoniku bardeşe.

Ərağçi əlovəş kardə:Tıpemoni ləpəon bə Soroka hərbi noxəşxonə qıləy cuziyə ziyonış rosnə ki,çəy noxəşon həm umdətən təxliyə kardey bıəbe. umdətən çın noxəşxonəku bo israyili 25 mayl bə tərə bıə çe Ğəzzə sakinon qenosidədə iştirokəkə sərbozon mıolicəro oko doey beydə.qıləy vırə ki, israyili çe Fələstınıjon noxəşxonəon 94 fayizış nobudış kardə və ya bəvon ciddiyə ziyononış rosnə.

İroni Xarici Koon Vəziri dəvomədə nıvıştəşe:ım sehyonist rejime ki,ın canqış bino kardə,nəyinki,İron və ın canqi cinoyotkoron israyilıjonin və  İronıjon bə noxəşxonə iyən mulki şəxson hucum kardedənin.

Dəvardə haftə sehyonist rejimi bə İroni bı ğeyri-ğanuniyə hucumon bədiqə çandə sa qılə beqınoə ironıjon hiç qıləy dəlil nıbə holədə bə şəhodəti məğami rəsən.