Tunis məmləkəti şəhrvandon bə sionist rejimi zid aksiyaşon bərpo kardə

Afrika şimalədə çandə 100 nəfər ojnən bə xıyabanon beşən və sionist rejimi bə Ğəzzə zid canq iyən bə ım məntəğə sakinon vəşiyanəti doə siyasətonədə ıştə mıxalifətışon elon kardə.

Zinə şanqo Tunisı çandə 100 qılə şəhrvand, Tunisı tiyatr mərkəzi vədə cəm bedən.

Im icma ki fələstinı xoto mıştərəkə hərəkəton həmohənqəti dəvəti əsosədə bərpo bə, etiroz əkon ıştə şoaronədə təcili canqi ğət be tələb kardedən.